आगामी चुनावमा कांग्रेस पहिलो पार्टी बन्छ : डा. शशांक कोइराला

कात्तिक १३, २०७५ मंगलबार १८:२९:४५ | उज्यालो सहकर्मी

खोटाङ – नेपाली कांग्रेसका महामन्त्री डा. शशांक कोइरालाले आगामी चुनावमा कांग्रेस पहिलो पार्टी बन्ने दाबी गर्नुभएको छ ।

कांग्रेस जन्तेढुङगा गाउँपालिका कार्य समिति खोटाङले मंगलबार चिसापानीमा आयोजना गरेको विपी कोइरालाको शालिक अनावरण गर्दै महामन्त्री कोइरालाले पार्टीभित्रको गुट–उपगुटको अन्त्य गर्दै एकताबद्ध भएर अगाडि बढ्दै जाने र कांग्रेसलाई मुलुकको पहिलो पार्टी बन्न कुनै तागतले रोक्न नसक्ने बताउनुभयो ।

उहाँले आगामी दिनमा कांग्रेस आन्तरिक समस्या हल गर्दै आउँदो चुनावका लागि जीतको योजना निर्माणमा उल्लेख गर्नुभयो । यस्तै कांग्रेस केन्द्रीय सदस्य प्रदीप पौडेलले नेकपाको एकता बाँडीचुँडी खाने मेलो मात्र भएको आरोप लगाउनु भएको छ ।

पौडेलले एकताको बहानमा नेकपाले राज्यकोषलाई मिलीजुली खाने मेलो मात्र बनाएको आरोप लगाउनु भएको हो । उहाँले प्रधानमन्त्री बन्नका लागि प्रचण्डले नै ओली सरकालाई अगाडि बढ्न नदिने दाबी गर्नुभयो ।

अन्तिम अपडेट: माघ ६, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्