विकास कोषले पशुपति क्षेत्रभित्रको पार्किङ सम्झौता रद्द गर्‍यो

असोज २, २०८० मंगलबार १७:८:५१ | रासस

काठमाण्डाै – पशुपति क्षेत्र विकास कोषले पशुपति क्षेत्रभित्रको गाडी पार्किङ स्थलको सम्झौता रद्द गरेको छ । पशुपति क्षेत्रमा पार्किङ व्यवस्थापनको जिम्मा तत्व इन्भेस्टमेन्ट प्रालिले पाएको भए पनि सम्झौताअनुसारको काम तथा समयमै बक्यौता रकम तीर्न नसकेका कारण सम्झौता रद्द गरिएको विकास कोषले जनाएको छ ।

पार्किङ सम्झौता रद्द गरी पार्किङ स्थल आज मङ्गलवारदेखि विकास कोषले आफ्नो मातहतमा लिएको कोषका कार्यकारी निर्देशक डा. घनश्याम खतिवडाले जानकारी दिनुभयो । उहाँका अनुसार तत्व इन्भेस्टमेन्ट प्रालीले गाडी पार्किङ सञ्चालनबापत कोषलाई तिर्नुपर्ने पुरानो ४० लाख रुपैयाँभन्दा धेरै रकम समयमै भुक्तान नगरेका कारण सम्झौता रद्द गरिएको हो ।

सञ्चालक परिषद्को गएको भदौ २१ गते बसेको बैठकले कम्पनीसँगको सम्झौता रद्द गर्ने निर्णय गरेको कार्यकारी निर्देशक खतिवडाले बताउनुभयो । उहाँले भन्नुभयो, भदौ २१ गतेको सञ्चालक परिषद् बैठकले पार्किङ सम्झौता रद्द गर्ने निर्णय गरेको हो, आजदेखि हामीले पार्किङ स्थल आफ्नो जिम्मा लिएका छौँ, अर्को टेन्डर प्रक्रिया नहुन्जेलसम्मलाई निःशुल्क पार्किङ गरिएको छ ।

तत्व इन्भेस्टमेन्ट कम्पनीले पशुपति क्षेत्रभित्र रहेको गाडी पार्किङ स्थल सञ्चालन गरेबापत विकास कोषलाई मासिक तीन लाख ४६ हजार रुपैयाँ तिर्ने गरी सम्झौता भएको विकास कोषले जनाएको छ । कम्पनीले पुरानो बक्यौता रकम ६० लाखमा केही हप्ता पहिले २० लाख रुपैयाँ बुझाए पनि अझै ४० लाख तिर्न बाँकी रहेको खतिवडाले जानकारी दिनुभयो । कोष र कम्पनीबीच पार्किङ व्यवस्थापनका लागि पाँच वर्षको सम्झौता भए पनि साढे दुई वर्षमा सम्झौता रद्द भएको छ ।

पशुपति क्षेत्र विकास कोषले दुई पाङ्ग्रे गाडीका लागि १० र चार पाङ्ग्रे गाडीका लागि २५ रुपैयाँ पार्किङ शुल्क तोकेर कम्पनीसँग सम्झौता गरेको थियो । तर कम्पनीले त्याेभन्दा बढी शुल्क उठाएको पाइएको आरोप छ । कम्पनीमाथि राजस्व अनुसन्धान विभागले समेत अनुसन्धान गरिरहेको कोषले जनाएको छ ।

अन्तिम अपडेट: मंसिर १५, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्

विकास कोषले पशुपति क्षेत्रभित्रको पार्किङ सम्झौता रद्द गर्‍यो

फाइल तस्बिर

तपाईको प्रतिक्रिया