एक महिनामा ६ सय ६६ वैदेशिक रोजगार ठगीका उजुरी, युरोप रोजगारीको प्रलोभनमा ठगी धेरै

असोज ८, २०८० सोमबार १६:५३:१ | उज्यालो सहकर्मी

काठमाण्डौ – गएको साउन महिनामा मात्रै वैदेशिक रोजगार विभागमा ६ सय ६६ वैदेशिक रोजगार ठगीको उजुरी परेको छ ।

वैदेशिक रोजगारीमा जान ५५ हजार ५७५ जनाले श्रम स्वीकृति लिँदा ६ सय ६६ वटा ठगीमा उजुरी परेको विभागका निर्देशक तथा सूचना अधिकारी कविराज उप्रेतीले जानकारी दिनुभयो ।

उहाँका अनुसार सबैभन्दा धेरै ठगी युरोप रोजगारीको नाममा भएको छ । युरोपका देश पोल्याण्ड, क्रोयसिया, माल्टा, रोमानीयाजस्ता देशमा आकर्षक रोजगारीको प्रलोभन देखाएर ठगीमा परेका ३ सय ५२ वटा उजुरी विभागमा परेको छ ।

यस्तै २ सय ४४ उजुरी भने एजेण्टहरुबाट ठगी भएका छन् भने म्यानपावर कम्पनी विरुद्ध एक महिनामा ७० वटा उजुरी परेको छ ।

तुलनात्मक रूपमा म्यानपावर कम्पनीबाटभन्दा व्यक्तिगत तवरबाट बढी ठगी भएको पाइएको सूचना अधिकारी उप्रेतीले बताउनुभयो ।

पछिल्लो समय युरोपेली देशमा नेपाली श्रमिकहरूको माग बढ्दो छ । तर युरोपका कतिपय देशमा नेपाली नियोग नहुनु र भएका नियोगहरूबाट पनि मागपत्र प्रमाणीकरणको काम नहुँदा युरोप रोजगारीमा संस्थागत रूपमा म्यानपावर कम्पनीहरूले पठाउन नसकेको अवस्था छ ।

यसको फाइदा उठाइ विभिन्न एजेण्ट तथा कन्सल्टेन्सी, ट्राभल एजेन्सीहरूले व्यक्तिगत रूपमा नेपालीहरूलाई युरोप पठाइरहेका छन् । जसको कारण मानव तस्करीसमेत मौलाइरहेको छ ।

गएको आर्थिक वर्ष २०७९/०८० मा विभागमा चार हजार चार सय ६४ वैदेशिक रोजगार ठगीको उजुरी परेको थियो । जसमध्ये विभागले १७ सय ५१ उजुरी फर्स्यौट गरेको छ ।

अन्तिम अपडेट: पुस ६, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्