इजरायलद्वारा गाजा क्षेत्रमा स्थलगत आक्रमणको तयारी

कात्तिक ९, २०८० बिहीबार ८:२१:१६ | एजेन्सी

इजरायलले गाजा क्षेत्रमा स्थलगत आक्रमणको तयारी गरिरहेको जनाएको छ ।

इजरायलका प्रधानमन्त्री बेन्जामिन नेतान्याहुले एक टेलिभिजनमा सम्बोधन गर्दै गाजा क्षेत्रमा स्थलगत सैन्य आक्रमणको तयारी भएको बताउनु भएको हो । तर, कहिले भन्नेबारे उहाँले केही नबताएका बीबीसीले जनाएको छ ।

यस्तै, इजरायलले गाजा क्षेत्रमा इन्धन नदिने जनाएको छ । प्यालेस्टाइनको विद्रोही समूह हमासले इन्धनलाई आफ्नो पूर्वाधारमा प्रयोग गर्न सक्ने इजरायलको आरोप छ । युद्धका कारण गाजामा मानवीय सङ्कट गहिरिँदै गएको छ ।

राष्ट्रसङ्घीय निकायले पनि इन्धन आपूर्ति नभए काम गर्न अप्ठ्यारो पर्ने र गाजा क्षेत्रका अस्पताल पनि बन्द हुनसक्ने चिन्ता प्रकट गरेका छन् । राष्ट्रसङ्घका महासचिव एन्टोनियो गुटेरेसले गाजा क्षेत्रमा मानवीय कानुनको स्पष्ट उल्लङ्घन भएको बताउनु भएको छ ।

यसैबीच, गाजामा गएराति पनि भीषण बमबारी भएको र कयौँको ज्यान गएको अन्तर्राष्ट्रिय सञ्चारमाध्यमले उल्लेख गरेका छन् । गएको २० गतेदेखि इजरायल र हमासबीच भइरहेको युद्धमा इजरायल र प्यालेस्टाइनका गरी झन्डै आठ हजार जनाको ज्यान गएको छ ।

अन्तिम अपडेट: मंसिर ३, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्