रणवीरले दीपिकाका लागि किने ३२ लाखको मंगलसुत्र

कात्तिक १९, २०७५ सोमबार १२:३३:४७ | एजेन्सी

अभिनेत्री दीपिका पादुकोण र रणवीर सिंहको विवाह यही नोभेम्बर १४ र १५ मा हुँदैछ । विवाहको मिति नजिकिँदै गएपछि उनीहरुको घरमा पनि विवाहको कार्यक्रम सुरु भैसकेको छ ।

४ नोभेम्बर अर्थात आइतबार रणवीरको घरमा हल्दी सेरेमनी आयोजना गरिएको थियो जसका केही तस्बिरहरु अहिले सामाजिक सञ्जालमा भाईरल भएका छन् । हल्दी लगाईसकेका रणवीरले खुशी मुद्रामा सेल्फी लिएका केही तस्बिर सार्वजनिक भएका छन् ।

५ वर्षसम्म अफेयरका रहेको यो जोडीले इटालीको लेक कोमोमा १४ र १५ डिसेम्बरमा विवाह गर्दैछ । विवाहको लागि रणवीर र दीपिकाले मिलेर गहना पनि किनिसकेका छन् । रणवीरले दीपिकाको लागि २० लाख भारतीय रुपैयाँको मंगलसुत्र किनिदिएका छन् ।

दीपिकाले पनि रणवीर अर्थात हुनेवाला श्रीमानको लागि सुनको सिक्री किनिदिएकी छिन् । यसको मूल्य भने सार्वजनिक भएको छैन । दीपिकाले आफ्नो लागि दुईवटा हार पनि किनेकी छिन् । त्यस्तै अन्य केही गहना गरेर उनीहरुले एक करोडको गहना किनेको भारतीय मिडियाहरुले जनाएका छन् ।

चाखलाग्दो कुरा के भने रणवीर र दीपिकाले जहाँ सपिङ गरेका थिए त्यो पसलको शटर उनीहरु पुग्नुभन्दा एक घण्टा अगाडि नै बन्द गरिएको थियो । बन्द सटरमा मजाले रोजी रोजी दीपिका र रणवीरले गहना किनेका हुन् ।

दीपिका र रणवीरको विवाह कलर कार्डिनेटेड हुनेछ । यसमा परिवारका सदस्यसँगै वेटर्सले समेत ड्रेस कोड फलो गर्नेछन् ।

अन्तिम अपडेट: मंसिर ७, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्