बर्दिया राष्ट्रिय निकुञ्जभित्र घाइते अवस्थामा फेला परेको बाघको उद्धार

कात्तिक २७, २०८० सोमबार १५:९:३५ | भावुक योगी

बर्दिया – बर्दियाको ठाकुरबाबा नगरपालिका–२ कर्मला नजिक पर्ने बर्दिया राष्ट्रिय निकुञ्ज भित्रबाट घाइते अवस्थामा फेला परेको पाटेबाघको उद्धार भएकाे छ ।

पछिल्लो भाग र पछाडिका खुट्टासमेत टेक्न नसक्ने भएर घाइते अवस्थामा रहेको पोथी पाटेबाघकाे रेखदेखलगायत उपचारका लागि उद्धार गरिएको निकुञ्जका सहायक प्रमुख संरक्षण अधिकृत बद्रि विनोद दाहालले जानकारी दिनुभयो ।

स्थानीयहरू निकुञ्जभित्र घाँस दाउरा लिन जाने क्रममा घाइते बाघ देखेपछि निकुञ्जमा खबर गरेका हुन् । राष्ट्रिय प्रकृति संरक्षण कोष र निकुञ्जको टोलीले खोजी गर्ने क्रममा निकुञ्जभित्र घिस्रिँदै हिँड्दै गरेको बाघलाई 'डार्ट' अर्थात् लठ्याउने सुई हानेर नियन्त्रणमा लिएको निकुञ्जका सहायक संरक्षण अधिकृत दाहालले बताउनुभयो ।

झन्डै १३ वर्ष उमेर पुगेको पोथी पाटेबाघलाई राख्ने ठाउँ नभएपछि तत्कालका लागि बर्दिया राष्ट्रिय निकुञ्जको पुरानो खोरमा राखिएको छ ।

निकुञ्जले विभिन्न समयमा नियन्त्रणमा लिएको पाटेबाघमध्ये दुई वटा रम्मापुर पोस्ट र तीन वटा बर्दिया राष्ट्रिय निकुञ्ज मुख्यालय ठाकुरद्वाराका खोरमा राखिएका छन् । बर्दियामा नियन्त्रणमाा लिइएका बाघ राख्नका लागि उपयुक्त ठाउँ छैन ।

यस्तै निकुञ्ज किनारका गाउँबस्तीमा प्रवेश गरी पशुचौपायालाई आक्रमण गरी आतङ्क मच्चाउने एउटा चितुवालाई पनि राष्ट्रिय प्रकृति संरक्षण कोष र निकुञ्जको टोलीले नियन्त्रणमा लिएको निकुञ्ज प्रशासनले जनाएको छ ।

अन्तिम अपडेट: पुस १५, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

भावुक योगी

बर्दियाका उज्यालो सहकर्मी भावुक योगी बर्दियाको रेडियो टाइगरमा पनि काम गर्नुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्