प्लाष्टिक र कागजका फूल बिकेनन्

कात्तिक २०, २०७५ मंगलबार १८:०:२१ | केशवप्रसाद भट्टराई

ताप्लेजुङ – हिमाली जिल्ला ताप्लेजुङमा आयात गरिएका कागज र प्लाष्टिकका फूलहरुको बिक्री ठप्प भएको छ ।

तिहारको बेला लाखौंको फूलको व्यापार हुने गरे पनि यसवर्ष भने कागज तथा प्लाष्टिकका फूल बिक्री नभएको व्यापारीहरु बताउँछन् ।

ताप्लेजुङमा व्यावसायीक रुपमा कृषकहरुले नै फूल उत्पादन गरेपछि आयत गरेको फूल बिक्री नभएको हो । गएको वर्षहरुमा लाखौं मूल्य बराबरको कागजका फूलहरुको बिक्री हुने गरे पनि यस वर्ष भने बिक्री न्यून भएको व्यापारीहरु बताउँछन् ।

व्यापारी सन्दीप मेहत्ताले यस वर्ष कागजको फूल कम ल्याएको भए पनि थोरै फूल पनि बिक्री नभएको बताउनुभयो । उहाँले गएको वर्षहरुमा एक लाख मूल्यभन्दा बढीको कागजका फूल बिक्री गर्ने गरेको भए पनि यसवर्ष भने बिक्री नभएको बताउनुभयो ।

आफूले पचास हजारको फूल ल्याएकोमा ४ सय रुपैयाँको मात्र बिक्री भएको व्यापारी रमेश घिमिरेले बताउनुभयो । उहाँले गएको वर्षहरु जस्तो सम्झेर फूल ल्याए यस वर्ष बिक्री नै नभएको उहाँले बताउनुभयो ।

यसरी आयात गरेको फूलको बिक्रीलाई स्थानीय यसपत्री फूलले यस वर्षको तिहारमा बन्द गरिदिएको छ । व्यावसायीक रुपमा स्थानीय वासीहरु सचेत भई फूलको व्यवसायीक खेतीसँगै किसानको आम्दानी समेत बढेको बताइन्छ ।

यस वर्षको तिहारमा झण्डै ५ लाख बराबरको सयपत्री फूल बिक्री भएको अनुमान गरिएको छ । यस तिहारमा मखमली, सयपत्री तथा अन्य जातका फूलहरु झण्डै १० लाख मूल्य बराबरको फूल बिक्री भएको हो ।

गएको वर्षहरुमा आयात गरिएको फूल तिहारमा १० लाख बराबरको मूल्यमा बिक्री हुने गरे पनि यस वर्ष व्यावसायीक फूल उत्पानदन तथा काल्लाबारीमा रोपिएका फूलहरु पनि फूलेका कारण आयात गरिएका फूलहरु बिक्री नभएको हो ।

अन्तिम अपडेट: मंसिर २६, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

केशवप्रसाद भट्टराई

केशवप्रसाद भट्टराई ताप्लेजुङका उज्यालो सहकर्मी हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्