‘क्वान्टिको’ विवाद पछि प्रियंकाले मागिन माफी

जेठ २७, २०७५ आइतबार ११:१४:८ | एजेन्सी

हलिउडमा ‘क्वान्टिको’ सिरीजले एकाएक ग्लोबल आइकन बन्न सफल अभिनेत्री प्रियंका चोपडा सोही सिरीजका कारण अहिले विवादमा तानिएकी छिन् ।

‘क्वान्टिको’मा हिन्दु आतंकवादसँग सम्बन्धित एक दृश्यलाई लिएर आइतबार उनले ट्वीटरमार्फत माफी मागेकी छिन् । यस अघि ‘क्वान्टिको’ सिरीजका निर्माताहरुले समेत यसै विषयलाई लिएर माफी मागेका थिए ।

प्रियंकाले सोही विषयमा आइतबार ट्वीट गरेकी छिन । उनले ‘क्वान्टिको’ को पछिल्लो विवादित अंकमा कसैको भावनामा ठेस पुगेकाले आफूलाई धेरै दुःख लागेको र त्यस प्रति माफी माग्न चाहेको बताएकी छिन् । उनले आफूले जानीजानी कसैको भावनामा ठेस पु¥याउने उद्देश्य नरहेको पनि बताएकी छिन् ।

I’m extremely saddened and sorry that some sentiments have been hurt by a recent episode of Quantico. That was not and would never be my intention. I sincerely apologise. I'm a proud Indian and that will never change.
— PRIYANKA (@priyankachopra) June 9, 2018

‘क्वान्टिको’ अमेरिकाको चर्चित टेलिभिजन सिरीज हो । यस सिरीजको तेस्रो सस्करणको ‘द ब्लड आफ रोमियो’ मा देखाइएको दृष्यलाई लिएर सामाजिक सञ्जालमा चर्को विवाद भएको थियो । जुन दृश्यमा एक भारतीय हिन्दुलाई आतंककारी भनिएको छ । उक्त संवाद प्रियंकाले बोलेकी छिन् ।

तसर्थ अधिकांश भारतीय नागरिक प्रियंकामाथि खनिएका थिए । चर्को विरोध पछि ‘क्वान्टिको’का निर्माताहरुले माफि माग्दै प्रियंकाको यसमा कुनै भूमिका नभएको बताएका थिए ।

अन्तिम अपडेट: मंसिर ७, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्