कफी निर्यात गरेर इथियाेपियाले ६ महिनामा ७६ अर्ब रुपैयाँ भित्र्यायाे

माघ ११, २०८० बिहीबार १८:३८:३० | एजेन्सी

इथियोपिया सरकारले कफी निर्यात गरेर छ महिनामा पाँच सय ७१ मिलियन डलर भित्र्याएकाे छ । नेपालीमा रूपान्तरण गर्दा यो ७६ अर्ब रुपैयाँ हुन आउँछ ।

गएको जुलाई ८ तारिखदेखि शुरु भएको चालु आर्थिक वर्ष २०२३/२४ को दोस्रो त्रैमाससम्म एक लाख १८ हजार टन कफी निर्यात गरेको इथियोपियाली कफी तथा चिया प्राधिकरणले जनाएको चिनियाँ समाचार संस्था सिन्ह्वाले जनाएको छ ।

इथियोपियाले मुख्यगरी साउदी अरेबिया, दक्षिण कोरिया, संयुक्त राज्य अमेरिका, जर्मनी, जापान र चीनमा कफी निर्यात गर्दै आएको छ । विश्व कफी बजारमा अनिश्चितता र कफी आयात गर्ने देशहरूमा जारी द्वन्द्वले चुनौती खडा भएको पनि प्राधिकरणले जनाएको छ ।

इथियोपियाले गएको आर्थिक वर्षमा दुई लाख ४० हजार टन कफी निकासीबाट एक अर्ब तीन करोड डलर भित्र्याएको थियो । अहिले भने निकासीमा कमी आउने देखिएको छ ।

अरेबिका कफीको उत्पत्ति इथियोपियाबाटै भएको मानिन्छ, कफी उत्पादनलाई देशको कृषिमा आधारित अर्थतन्त्रको मेरुदण्ड भनिएको छ । 'वाइन' देखि फ्रुटी र चकलेटसम्ममा प्रयोगका लागि इथियोपियाको कफी संसारभर चर्चित छ ।

अन्तिम अपडेट: पुस ५, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्

कफी निर्यात गरेर इथियाेपियाले ६ महिनामा ७६ अर्ब रुपैयाँ भित्र्यायाे

फाइल फाेटाे

तपाईको प्रतिक्रिया