पोखरा म्याराथनमा केन्याली धावकको वर्चस्व, महिला हाफ म्याराथनको उपाधि सन्तोषी श्रेष्ठलाई

फागुन ५, २०८० शनिबार १८:१५:५९ | सागर राज तिमिल्सिना

कास्की – सफल पोखरा अन्तर्राष्ट्रिय म्याराथनमा केन्याली धावकले वर्चस्व कायम गरेका छन् । १८ औँ संस्करणको सफल पोखरा म्याराथनमा पहिलो, दोस्रो र तेस्रो स्थानमा केन्याली धावक विजयी बने ।

निर्धारित ४२ किलोमिटर एक सय ९५ मिटरको दुरी केन्याका जुलियास मुरियाली वाहोमले २ घण्टा १९ मिनेट ३६ सेकेन्डमा पूरा गर्दै पहिलो भए । यस्तै केन्याकै स्कास किहारा कमिरीले दुई घण्टा २० मिनेट ०५ सेकेन्ड र इडविन किप्लागटले २ घण्टा २० मिनेट ४५ सेकेन्डमा दुरी पूरा गरे । नेपालका किरणसिंह बोगटी चौथो स्थानमा रहे । उनले दुई घण्टा २४ मिनेट ०२ सेकेन्डमा दुरी पूरा गरे ।

यसैगरी २१ किलोमिटरको महिला हाफ म्याराथनमा नेपालकी सन्तोषी श्रेष्ठ पहिलो भइन् । उनले १ घण्टा १८ मिनेट ३९ सेकेन्डमा दुरी पूरा गरिन् । यस्तै केन्याकी अबिचल जिरोपले एक घण्टा १९ मिनेट दुई सेकेन्ड, नेपालकै राममाया बुढाले एक घण्टा १९ मिनेट २२ सेकेन्ड र फूलमती रानाले एक घण्टा २१ मिनेट सात सेकेन्डमा दुरी पूरा गरे ।

म्याराथनको विजेताले ५ लाख, दोस्रो हुनेले ३ लाख, तेस्रो हुनेले २ लाख र सान्त्वना हुनेले ३० हजार रुपैयाँ प्राप्त गरे । यस्तै गण्डकी प्रदेशतर्फको विजेताले ५० हजार, दोस्रो हुनेले ३० हजार र तेस्रो हुनेले २० हजार रुपैयाँ प्राप्त गरे । महिला हाफ म्याराथनको विजेताले एक लाख ५० हजार, दोस्रो हुनेले एक लाख, तेस्रो हुनेले ७५ हजार र सान्त्वना हुनेले १५ हजार रुपैयाँ प्राप्त गरे ।

नेपाल भूतपूर्व खेलाडी मञ्चको आयोजना भएको म्याराथनमा सर्वाधिक १३ देशका एक सय आठ धावक सहभागी थिए ।

अन्तिम अपडेट: मंसिर ८, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

सागर राज तिमिल्सिना

कास्कीमा रहेर पत्रकारिता गर्ने सागर उज्यालाेका जिल्ला सहकर्मी हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्