जापानमा साढे १२ सय वर्ष पुरानो एक महोत्सवमा पहिलो पटक महिलाको सहभागिता

फागुन १३, २०८० आइतबार ९:९:१४ | एजेन्सी

काठमाण्डौ – जापानको समुद्री तटमा एक हजार दुई सय ५० वर्षअघि शुरु भएको नग्न महोत्सवमा पहिलो पटक महिला पनि सहभागी भएका छन् । मध्य जापानको कोनोमिया तीर्थस्थलमा हदाका मात्सुरी अथवा नाङ्गो महोत्सव मनाउन थालेको १२ सय ५० वर्षपछि महिलाले सहभागिता जनाउन पाएको र यो ठूलो उपलब्धि भएको जापानका महिला अधिकारकर्मीहरुलाई उद्धृत गर्दै बीबीसीले जनाएको छ ।

महोत्सव अर्थात पर्व मनाउने क्रममा समुद्री तटमा पुरुषहरू धकेलाधकेल गर्दै तीर्थस्थलतर्फ जान्छन् । उनीहरु वाशोई ! वाशोई ! अर्थात जाऔँ, जाऔँ भन्दै चिच्याउँछन् । पर्वमा दुष्ट आत्मालाई भगाउने विश्वास गरिन्छ । यस वर्ष पुरुषहरुको समूह भन्दा केही टाढा रहेर महिलाहरुको एउटा समूह पनि सहभागी भएको हो ।

महोत्सवमा सहभागी महिलाहरुले नग्न नभइ एकैखालको परम्परागत कोट लगाएका छन् । लामो समयदेखि महिलाहरुले महोत्सवमा सहभागिताका लागि माग गर्दै आएकोमा यस वर्ष पूरा भएको बीबीसीको खबरमा उल्लेख छ ।

आर्थिक रुपमा सफल र विकसित देश भए पनि जापान लैङ्गिक सहभागिताका दृष्टिमा कमजोर छ । विश्व आर्थिक फोरमको सन् २०२३ को लैङ्गिक अन्तर सूचकाङ्कमा एक सय ४६ देशमध्ये जापान एक सय २५ स्थानमा छ । आइसल्याण्ड पहिलो, नर्वे दोस्रो र फिनल्याण्ड तेस्रो स्थानमा छन् ।

अन्तिम अपडेट: पुस ६, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्