गोविन्द गौतमको ज्यान गएको पूनर्वास क्षेत्रको सीमास्तम्भ एसएसबीको कब्जामा

वैशाख २४, २०७५ सोमबार ९:४४:१९ | दुर्गा उपाध्याय

कञ्चनपुर, वैशाख २३ – कञ्चनपुर पूनर्वासमा रहेको सीमा स्तम्भ भारतीय सुरक्षाकर्मीले कब्जा गरेका छन् ।

पटकपटक विवादीत रहँदै आएको पुनर्वास नगरपालिका ९ बिचफाँटामा पर्ने १९५ नम्बर सीमास्तम्भलाई भारतीय सीमा सुरक्षा बल (एसएसबी) ले कब्जा गरेको हो ।
त्यही क्षेत्रमा सीमा क्षेत्रकै विवादका क्रममा गएको वर्ष एसएसबीले हानेको गोली लागि गोविन्द गौतमको ज्यान गएको थियो ।

नगरपालिकाका मेयर जीवन थापाले सीमास्तम्भ भारतीय सुरक्षाकर्मीले कब्जा गरेको पुष्टि गर्नुभयो । उज्यालोसंग कुरा गर्दै उहाँले पहिलेदेखि विवादित रहेको क्षेत्र भएकाले यो समस्या स्थानीय तहबाट समाधान हुन नसक्ने बताउनुभयो । ‘हामीले यसबारे केन्द्रमा खबर गरिसकेका छौं, उहाँले भन्नु भयो, अब केन्द्रबाटै समाधानका लागि पहल होला ।’

नेपाली नागरिक तथा सुरक्षाकर्मीलाई सीमा स्तम्भको आसपास जान पनि एसएसबीले रोक लगाएको स्थानीय पत्रकार हेमन्त न्यौपानेले जानकारी दिनुभयो । सीमा सुरक्षाको जिम्मेवारी पाएको सशस्त्र प्रहरी बलले यस क्षेत्रको सीमा सुरक्षामा चासो नदिएको मेयर थापाले आरोप लगाउनुभयो ।

स्थानीयबासीले पटकपटक सशस्त्र प्रहरीको गण माग गरेपनि सरकारले अहिलेसम्म सुनुवाई नगरेको स्थानीयबासीले गुनासो गरेका छन् । सीमा सुरक्षाका लागि खटिएको सशस्त्र प्रहरीको क्याम्प त्यो क्षेत्रबाट ७ किलोमिटर उत्तर पश्चिम बेलौरीमा छ ।

यसैबीच, नेपाली कांग्रेसका नेता तथा पूर्वमन्त्री रमेश लेखकले भारतीय प्रधानमन्त्री नरेन्द्र मोदीको आसन्न नेपाल भ्रमणमा सरकारले सीमा अतिक्रमणबारे जवाफ माग्नुपर्ने बताउनुभएको छ ।

कञ्चनपुर जिल्ला पूनर्वास नगरपालिका वार्ड नं. ९ बिचफाँटामा भारतीय सुरक्षाकर्मीले हाम्रो महत्वपूर्ण प्राकृतिक सम्पदा प्यारा ताल समेतको नेपाली भूभाग माथि जबरजस्ती कब्जा गर्ने काम गरेका छन्,’ उहाँले फेसबुकमा लेख्नुभएको छ, ‘भारतीय प्रधानमन्त्री नरेन्द्र मोदीलेजीको नेपाल भ्रमणको पूर्वसन्ध्यामा यो अशोभनीय घटना भएको छ । ’

अन्तिम अपडेट: मंसिर २२, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

दुर्गा उपाध्याय

दुर्गा उपाध्याय कञ्चनपुरका उज्यालो सहकर्मी हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्