थाइल्यान्डमा वायु प्रदूषणजन्य राेग बढ्न थाल्याे, ९ हप्तामै १६ लाख जनाले उपचार गराए

फागुन २४, २०८० बिहीबार ७:३०:५६ | एजेन्सी

थाइल्यान्डमा वायु प्रदूषणजन्य रोग बढ्न थालेको छ । अघिल्लो वर्षको तुलनामा सन् २०२४ को शुरुवातमा प्रदूषणजन्य रोगका घटनामा वृद्धि भएको बीबीसीले जनाएको छ ।

सन् २०२३ को पहिलो नौ हप्ताकाे तथ्याङ्कमा १३ लाख जना नागरिकले वायु प्रदूषणजन्य रोगको उपचार गराएकामा २०२४ को यही अवधिमा यो सङ्ख्या बढेर १६ लाख जना पुगेको छ । समग्रमा सन् २०२३ मा थाइल्यान्डका एक करोड जनाभन्दा बढी नागरिकले वायु प्रदूषणसँग सम्बन्धित रोगको उपचार गराएका खबरमा उल्लेख छ ।

थाइल्यान्डकाे जनसङ्ख्या झन्डै सात करोड २० लाख जना छ । त्यहाँको राष्ट्रिय आर्थिक तथा सामाजिक विकास परिषद्को तथ्याङ्कअनुसार थाइल्यान्डकाे वायुको गुणस्तर दिनप्रतिदिन बिग्रँदै गएको छ । विशेषगरी उत्तरी थाइल्यान्डमा वर्षको शुरुदेखि फराकिला जग्गाजमिन र जङ्गलमा लागेको आगोका कारण हानिकारक धुवाँ निस्कन थालेको थियो ।

वायु प्रदूषणका कारण थाइल्यान्डमा फोक्सोको क्यान्सर, ब्रोन्काइटिस, दम, र हृदय रोगजस्ता दीर्घकालीन रोगका बिरामी बढेका परिषद्को तथ्याङ्क छ । थाइल्यान्डले सार्वजनिक स्वास्थ्यमा हावामा पाइने पीएम २ दशमलव ५ को नकारात्मक प्रभावलाई प्राथमिकतामा राखेर घटाउनुपर्ने परिषद्ले सुझाव दिएको छ ।

पीएम २ दशमलव ५ ले साना तर खतरनाक धुलोका कणहरूको स्तरलाई बुझाउँछ जसले फोक्सोको माध्यमबाट रक्त प्रवाहमा प्रवेश गरेर विभिन्न रोग सङ्क्रमण गराउँछ । थाइल्यान्डका केही उत्तरी सहरहरूलाई वायुको गुणस्तर अनुगमन गर्ने निकायहरूले विश्वको सबैभन्दा प्रदूषित शहरहरूको रूपमा मापन गरेका छन् ।

अन्तिम अपडेट: मंसिर ७, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्

थाइल्यान्डमा वायु प्रदूषणजन्य राेग बढ्न थाल्याे, ९ हप्तामै १६ लाख जनाले उपचार गराए

तस्बिर : एजेन्सी

तपाईको प्रतिक्रिया