हैटीका प्रधानमन्त्री हेनरी राजीनामा दिन सहमत, देशवासीलाई शान्त रहन आग्रह

फागुन २९, २०८० मंगलबार १५:१५:५४ | एजेन्सी

हैटीका प्रधानमन्त्री एरियल हेनरीले देशमा बढ्दो दबाब र हिंसापछि राजीनामा दिन सहमत हुनुभएको छ । हैटीमा राजनीतिक सङ्क्रमणबारे छलफल गर्न जमैकामा क्षेत्रीय नेताहरूले भेटघाट गरेपछि प्रधानमन्त्री हेनरी राजीनामा दिन सहमत हुनुभएको बीबीसीले जनाएको छ ।

सशस्त्र समूहले स्वदेश फर्किनबाट रोकेपछि प्रधानमन्त्री हेनरी अहिले पुर्ताे रिकोमा हुनुहुन्छ । आफ्नो राजीनामाको घोषणा गर्दै उहाँले एक भिडियो सम्बोधनमा हैटीवासीलाई शान्त रहन आग्रह गर्नुभएको छ । उहाँले सत्ता हस्तान्तरणका लागि एक अन्तरिम परिषद्को स्थापनापछि आफू नेतृत्व सरकारले तुरुन्त राजीनामा दिने बताउनुभएको खबरमा उल्लेख छ ।

पूर्वराष्ट्रपति जोभेनेल मोइसेको हत्यापछि सन् २०२१ मा हेनरीले अन्तरिमरूपमा देशको नेतृत्व गर्नुभएको थियो तर उहाँले सुरक्षा पुनर्स्थापना गर्नुपर्ने भन्दै पटक–पटक चुनाव स्थगित गर्नुभएको थियो । पछिल्ला दिनहरूमा हतियारधारी समूहले हैटीको राजधानी पोर्ट–ओ–प्रिन्सको सडकहरू नियन्त्रणमा लिएका छन् र चुनावविनै प्रधानमन्त्री बनेका हेनरीको राजीनामा माग गरेका छन् ।

सञ्चारमाध्यमका अनुसार हैटीमा पछिल्ला दिनहरूमा सशस्त्र विद्रोह चलिरहेको छ । केही दिनअघि विद्रोहीहरूले केही जेल भत्काएर ठूलो सङ्ख्यामा कैदीलाई भगाएका थिए ।

हैटीमा बढिरहेको हिंसा र आपत्काल घोषणाको बीच अमेरिकाले आफ्ना दूतावासका कर्मचारीलाई फिर्ता बोलाएको थियो । यस्तै जर्मनी र युरोपेली सङ्घले दूतावासबाट कर्मचारीलाई फिर्ता बोलाएको खबर सार्वजनिक भएको थियो ।

हैटीमा चलिरहेको हिंसाका कारण तीन लाख ६२ हजार जनाभन्दा धेरै नागरिक विस्थापित भएका खबरमा उल्लेख छ ।

अन्तिम अपडेट: पुस ५, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्