जापानले १७ वर्षपछि ब्याजदर बढायो

चैत ६, २०८० मंगलबार १८:१६:४८ | एजेन्सी

जापानको केन्द्रीय बैंक (बीओजे) ले १७ वर्षपछि ब्यादर बढाएको छ । केन्द्रीय बैंकले ब्याजदर माइनस शून्य दशमलव एक प्रतिशतबाट बढाएर शून्य दशमलव एक प्रतिशतमा पुर्‍याएको बीबीसीले जनाएको छ ।

जापानमा सन् २००७ पछि ब्याजदर बढेको पहिलो पटक हो । यस्तै आठ वर्षको नकारात्मक ब्याजदर पनि अन्त्य भएको छ । स्थिर बनेको अर्थतन्त्रलाई टेवा दिन भन्दै सन् २०१६ मा जापानको केन्द्रीय बैंकले ब्याजदर घटाएर शून्यभन्दा तल झारेको थियो । नकारात्मक ब्याजदर हुने जापान विश्वको एकमात्रै देश रहेकोमा अब कुनै पनि देशमा ब्याजदर नकरात्मक स्तरमा छैन ।

ब्याजदर शून्यभन्दा पनि तल झर्नुलाई नकारात्मक वा ऋणात्मक ब्याजदर भनिन्छ । ब्याजदर ऋणात्मक हुँदा बैंकले ऋणीलाई उल्टै पैसा दिएर ऋण दिन्छ भने निक्षेपकर्ताले बचत गरेको पैसामा ब्याज पाउँदैनन् ।

उपभोक्ता मूल्यमा आधारित महँगी बढेर देशभर तलब वृद्धि भइरहेका बेला केन्द्रीय बैंकले ब्याजदर बढाएको हो । यही महिनाको शुरुमा जापानका ठूला कम्पनीहरूले कर्मचारीको तलब पाँच दशमलव २८ प्रतिशतले बढाउन सहमति गरेका थिए । यो वृद्धि तीन दशकभन्दा बढी समययताकै धेरै थियो ।

अन्तिम अपडेट: पुस ७, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्