सामाजिक सञ्जालबाट पुरस्कार पर्‍याे भन्दै ठग्ने ७ जना पक्राउ

कात्तिक २९, २०७५ बिहीबार १८:१३:३३ | सुमन तिमल्सिना

मोरङ – विभिन्न सामाजिक सञ्जाल, भाइबर, ह्वाट्स एपसमेतको माध्यमबाट पुरस्कार परेको भन्दै ठगी गर्ने गिरोहका ७ जनालाई प्रहरीले पक्राउ गरेको छ ।

तपाईँहरूलाई ठूलो धनराशीको चिठ्ठा परेको छ भन्दै चिठ्ठाबापतको रकम प्राप्त गर्न, कर, बैंकिङ प्रक्रिया तथा सेवा शुल्क समेतको लागि केही रकम जम्मा गरेपश्चात त्यो रकम प्राप्त गर्नु हुनेछ भनी रकम संकलन गर्नेहरुलाई पक्राउ गरिएको जिल्ला प्रहरी कार्यालय मोरङका डिएसपी घनश्याम श्रेष्ठले जानकारी दिनुभयो ।

देशका विभिन्न ठाउँबाट विभिन्न व्यक्तिहरूको नाममा रकम जम्मा गर्न लगाई विभिन्न व्यक्तिहरूलाई प्रयोग गरी रकम निकाली ठगी गर्ने गिरोहलाई पक्राउ गरिएको डिएसपी श्रेष्ठको भनाई छ ।

यसरी पक्राउ पर्नेमा भारत बिहार अररिया जिल्ला फारबेसगञ्ज बस्ने २५ वर्षीय मनोजकुमार ठाकुर, २३ वर्षीय चन्दनकुमार भगत, २८ वर्षीय पंकजकुमार साह रहेका छन् । त्यस्तै यसरी ठगीमा संलग्न हुनेमा मोरङ कटहरी गाउँपालिका –४, का २० वर्षीय खगेन्द्रप्रसाद रौनियार, २२ वर्षीय प्रेमकुमार साह, २५ वर्षीय रमेशकुमार साह र जहदा गाउँपालिका –७, का २० वर्षीय टुनटुन साह रहेका छन् ।

पक्राउ परेका उनीहरुको साथबाट प्रहरीले ३५ हजार नेपाली रुपैयाँ, ३० हजार भारतीय रुपैयाँ, मोबाइलहरू, न्यूज क्राइम २४ डटकमबाट इस्यू गरिएको प्रेस रिपोर्टर लेखिएको परिचयपत्रसमेत बरामद गरेको छ । उनीहरुले देशका विभिन्न व्यक्तिहरूबाट १६ लाख ५७ हजार रुपैयाँ ठगी गरेको खुल्न आएको प्रहरीको प्रारम्भिक अनुसन्धानबाट खुलेको जिल्ला प्रहरी कार्यालय मोरङले जनाएको छ ।

पक्राउ परेका उनीहरुलाई मुलुकी अपराध (संहिता) ऐन २०७४ बमोजिम म्याद थप गरी अनुसन्धान सुरु गरिएको डिएसपी श्रेष्ठले बताउनुभयो ।

अन्तिम अपडेट: मंसिर ८, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

सुमन तिमल्सिना

सुमन तिमल्सिना मोरङका उज्यालो सहकर्मी हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्