बाढी र डुबानको जोखिममा रहेको कैलालीको पकरियापुरमा सुरक्षित आवास निर्माण शुरु

वैशाख १९, २०८१ बुधबार १३:७:१४ | रासस

कैलाली – बाढी र डुबानको जोखिममा रहेको कैलालीको भजनी नगरपालिका–३ को पकरियापुरमा सुरक्षित आवास निर्माण शुरु भएको छ । भजनी नगरपालिका, राष्ट्रिय दलित नेटवर्क (सुरक्षित आवास परियोजना) र स्थानीयको श्रमदानमा सुरक्षित आवास निर्माण हुन लागेको हो ।

वर्षाैँदेखि बाढी र डुबानको पीडामा रहेका पकरियापुरका २५ परिवारलाई सुरक्षित राख्नका लागि घर निर्माण थालिएको नगरपालिकाका मेयर केवल चौधरीले बताउनुभयो । उहाँले नगरपालिकाका धेरै क्षेत्र बर्सेनि बाढी र डुबानको चपेटामा पर्दै आएको बताउँदै बढी जोखिम भएको बस्तीलाई सुरक्षित बनाउन घर निर्माण कार्यक्रमलाई निरन्तरता दिइएको जानकारी दिनुभयो ।

बाढीका कारण महिनौँसम्म सडक र त्रिपालमा बस्नुपर्ने बाध्यता अब अन्त्य हुनेमा विश्वास रहेको स्थानीयले बताएका छन् । नगरपालिकाले गएको वर्ष वडा नम्बर –५ मा १६ वटा सुरक्षित आवास निर्माण गरेको थियो । बर्सेनि अन्य सङ्घ–संस्थाको साझेदारीमा नगरपालिकाले आवास निर्माणलाई निरन्तरता दिएको छ । पकरियापुरमा एउटा नमुना घरसहित २५ घर निर्माण भइरहेका छन् ।

७० लाख ५० हजार रुपैयाँ लागतमा निर्माण हुन लागेको ती घरका लागि नगरपालिकाको २४ लाख रुपैयाँको लगानी छ । त्यसमा राष्ट्रिय दलित नेटवर्कले २१ लाख लगानी गर्दा २५ लाख ३० हजार रुपैयाँ बराबरको स्थानीयको जनश्रमदानलाई जोडिएको छ । एउटा घरमा दुई कोठा र एउटा शौचालय निर्माण भइरहेको छ ।

अन्तिम अपडेट: पुस ८, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्

बाढी र डुबानको जोखिममा रहेको कैलालीको पकरियापुरमा सुरक्षित आवास निर्माण शुरु

तस्बिर : रासस

तपाईको प्रतिक्रिया