प्रधानमन्त्री कप भलिबल लिगको फाइनल खेल आज

जेठ २६, २०८१ शनिबार ९:४३:३५ | उज्यालो सहकर्मी

काठमाण्डौ – आठौँ प्रधानमन्त्री कप एनभीए पुुरुष तथा महिला भलिबल लिगको फाइनल खेल आज हुँदैछ । उपाधिका लागि पुरुषतर्फ गण्डकी प्रदेश र हेल्प नेपाल खेल्दैछन् । गण्डकी शीर्ष र हेल्प नेपाल दोस्रो स्थानमा रहँदै फाइनलमा पुगेका हुन् ।

हिजो भएको लिगको अन्तिम खेलमा गण्डकीले नेपाल पुलिस क्लबलाई र हेल्प नेपालले त्रिभुवन आर्मी क्लबलाई सोझो सेटमा हरायो । पुरुषतर्फको फाइनल खेल दिउँसो ३ बजे त्रिपुरेश्वरमा रहेको राष्ट्रिय खेलकुद परिषद् (राखेप) को कभर्ड हलमा हुनेछ । यस्तै तेस्रो स्थानका लागि पुलिस र आर्मी खेल्दैछन् ।

महिलातर्फ फाइनल खेलमा एभरेस्ट क्लब र नेपाल पुलिस क्लब खेल्दै छन् । हिजो भएको खेलमा पुलिसलाई ३–१ को सेटमा हराउँदै एभरेस्ट अपराजित रहँदै उपाधि नजिकै पुगेको हो । पुलिस लगातार चार खेल जित्दै यसअघि नै फाइनलमा पुगिसकेको थियो ।

महिलातर्फको फाइनल दिउँसो १ बजे हुनेछ । तेस्रो स्थानका लागि अहिले आर्मी र एपीएफ खेलिरहेका छन् । प्रतियोगितामा पुरुषतर्फ आठ र महिलातर्फ ६ वटा टोली सहभागी थिए । पुरुष र महिला दुवैतर्फको विजेताले आठ लाख, उपविजेताले चार लाख र तेस्रो हुने टोलीले दुई लाख रुपैयाँ पाउनेछन् ।

अन्तिम अपडेट: कात्तिक १६, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्