चितवनकाे इच्छाकामनाका २२ चेपाङ परिवारको नयाँ घर निर्माण

असार २६, २०८१ बुधबार १२:५०:११ | रासस

चितवन – चेपाङ आवास कार्यक्रमअन्तर्गत चितवनको इच्छाकामना गाउँपालिकामा २२ वटा घर निर्माण भएका छन् । सङ्घीय सरकारको एक करोड ५० लाख रुपैयाँ सशर्त अनुदानबाट विपन्न समुदायका घर निर्माण भएका हुन् ।

हिजो गाउँपालिकाको वडा नम्बर ७ मा आयोजित कार्याक्रममार्फत गाउँपालिका अध्यक्ष दानबहादुर गुरुङले सबै वडामा निर्माण भएका घरको साँचो हस्तान्तरण गर्नुभयो । उहाँले गाउँपालिकाका सात वटा वडामा आर्थिक अवस्था कमजोर भएका चेपाङ परिवार छनोट गरेर घर निर्माण गरिएको बताउनुभयो ।

अध्यक्ष गुरुङले निर्माण सम्झौताअघि घर र उनीहरूको अवस्थाबारे स्थलगत अनुगमनसमेत गरिएको बताउनुभयो । यस्तै गाउँपालिका उपाध्यक्ष माया सिलवालले नयाँ घरको बारेमा धेरैको इच्छा भए पनि बिहान–बेलुकाको छाक जुटाउन समस्या हुनेको पहिचान गरेर घर निर्माण गरिएको बताउनुभयो ।

गाउँपालिकाले आउँदो आर्थिक वर्षमा पनि चेपाङ आवास कार्यक्रमलाई निरन्तरता दिएको गाउँपालिकाका प्रमुख प्रशासकीय अधिकृत चन्द्रकान्त बस्नेतले जानकारी दिनुभयो ।

अन्तिम अपडेट: पुस ७, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्

चितवनकाे इच्छाकामनाका २२ चेपाङ परिवारको नयाँ घर निर्माण

तस्बिर : रासस

तपाईको प्रतिक्रिया