आईपीएल क्रिकेट : मुम्बईले चेन्नईलाई ९ विकेटले हरायो, पन्जाब बेङ्गलुरुसँग सात विकेटले पराजित

वैशाख ८, २०८२ सोमबार ६:२५:३८ | उज्यालो सहकर्मी

काठमाण्डौ – इन्डियन प्रिमियर लिग (आईपीएल) क्रिकेटमा मुम्बई इन्डियन्सले चेन्नई सुपर किङ्सलाई ९ विकेटले हराएको छ ।

हिजो भएको दोस्रो खेलमा चेन्नईले दिएको १ सय ७७ रनको लक्ष्य पछाएको मुम्बईले १५ ओभर ४ बलमा मात्र १ विकेट गुमाएर लक्ष्य पूरा गरेको हो ।

मुम्बईको जीतमा रोहित शर्माले अविजित ७६ रन बनाए । यस्तै सूर्य कुमार यादवले पनि अविजित ६८ रन जोडे ।

चेन्नईका रविन्द्र जडेजाले एक विकेट लिए । त्यसअघि वाङखेडे स्टेडियममा टस हारेर पहिले ब्याटिङको निम्तो पाएको चेन्नईले २० ओभरमा ५ विकेट गुमाउँदै १ सय ७६ रन बनाएको थियो ।

चेन्नईका रविन्द्र जडेजाले ५३ रन बनाए । यस्तै शिवम दुबेले ५० रन जोडे । मुम्बईका जसप्रित बुम्राहले २ विकेट लिए ।

योसँगै मुम्बईको यो चौथो जीत भएको छ । मुम्बई ८ अङ्कसहित सातौं स्थानमा उक्लिएको छ । चार अङ्कसहित अङ्क तालिकाको पुछारमा रहेको चेन्नईको यो छैटौं हार हो ।

यसैबीच हिजो भएको पहिलो खेलमा रोयल च्यालेन्जर्स बेङ्गलुरु (आरसीबी) ले पन्जाब किङ्ग्सलाई ७ विकेटले पराजित गरेको छ ।

पन्जाबले दिएको १ सय ५८ रनको लक्ष्य पछ्याएको बेङ्गलुरुले १८ ओभर ५ मा तीन विकेट गुमाउँदै १ सय ५९ रन बनायो ।

बेङ्गलुरुका विराट कोहलीले सर्वाधिक ७३ रन बनाए । यस्तै देवदत्त पडिक्कलले ६१ रन जोडे । पन्जाबका अर्शदीप सिंह, हरपित ब्रार र युजवेन्द्र चाहलले समान एक विकेट लिए ।

मुल्लनपुरमा टस हारेर पहिले ब्याटिङ गरेको पन्जावले २० ओभरमा ५ विकेट गुमाएर १ सय ५७ रन बनाएको थियो ।

पन्जाबका डेभिड पाण्ड्याले ३३ रन बनाए । सुयस शर्मा र क्रुनाल पाण्ड्याले समान २ विकेट लिए ।

इन्डियन प्रिमियर लिग (आईपीएल) मा १० अङ्कसहित बेङ्गलुरु तेस्रो स्थानमा फर्किएको छ । समान अङ्क रहेको पन्जाब चौथो स्थानमा छ ।

अन्तिम अपडेट: बैशाख ८, २०८२

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्