क्यानडाको चुनावका लागि भएको अग्रिम मतदानमा कीर्तिमानी मतदान

वैशाख ८, २०८२ सोमबार १२:४४:५८ | एजेन्सी

क्यानडाको आमचुनाव हुनुभन्दा अघि धेरै क्यानेडियाली नागरिकहरूले अग्रिम मतदानमा भाग लिएका छन् । अग्रिम मतदान आज सकिँदैछ ।

क्यानडाको आमचुनावका लागि यही अप्रिल २८ मा मतदान हुने तालिका छ । क्यानडामा अग्रिम मतदानको नियम अनुसार मतदाताहरूले मतदान गरेका बीबीसीले जनाएको छ । अग्रिम मतदानमा कीर्तिमानी मतदान भएको खबरमा उल्लेख छ ।

आउँदो आमचुनाव क्यानडाको सबैभन्दा महत्त्वपूर्ण चुनावहरूमध्ये एक मानिएको छ । क्यानडाले अमेरिकाको शुल्क वृद्धिको सामना गरिरहेको छ ।

अमेरिकी राष्ट्रपति डोनाल्ड ट्रम्पले क्यानडालाई अमेरिकामा विलय गर्ने योजना जस्ता खतराहरूको पनि ओटाओले सामना गरिरहेको छ ।

अग्रिम मतदानमा लिबरल पार्टीका नेता, प्रधानमन्त्री तथा पूर्वकेन्द्रीय बैंकर मार्क कार्नी अगाडि हुनुहुन्छ । तर उहाँको प्रतिद्वन्द्वी कन्जरभेटिभका पियरे पोइलिभ्रेले पनि राम्रो सार्वजनिक समर्थन पाइरहनुभएको छ ।

केही समयअघि मात्र क्यानडाका पूर्वप्रधानमन्त्री जस्टिन ट्रुडोको ठाउँमा वर्तमान प्रधानमन्त्री मार्क कार्नी आउनुभएको छ । आफ्नै पार्टीको बढ्दो दबावका कारण ट्रुडोले गएको जनवरीमा प्रधानमन्त्री पदबाट राजीनामा दिनुभएको थियो ।

अन्तिम अपडेट: बैशाख ८, २०८२

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्

क्यानडाको चुनावका लागि भएको अग्रिम मतदानमा कीर्तिमानी मतदान

तस्बिर : एजेन्सी

तपाईको प्रतिक्रिया