काठमाडौं – मलेसियाबाट फर्किएका कामदारहरुले राष्ट्रिय भेला गर्ने भएका छन् । मलेसियाबाट फर्किएकाहरुले गठन गरेको ‘मलेसिया रिटर्नी समाज नेपाल’ ले यही पुस १७ गते राष्ट्रिय भेला गर्ने भएका हुन् । 

नेपाल फर्किएका युवालाई स्वदेशभित्रै सरकारले प्रदान गर्ने सेवामार्फत स्वरोजगारमा जोड्न भेलाको आयोजना गरिएको रामचन्द्र नेपालले जानकारी दिनुभयो ।

सरकारले वैदेशिक रोजगारीबाट फर्किएका युवाका लागि प्रदान गर्ने सामाजिक सुरक्षा योजनामा मलेसियाबाट फर्किएकाहरुलाई समावेश गर्न भेला गर्न लागिएको उहाँको भनाई छ । 

भेलाले विदेशमा सिकेका सीपलाई नेपालमा सदुपयोग गर्ने र गराउने, नेपालमा फर्किएर विभिन्न व्यवसायमा लागिसकेकाको अनुभव आदानप्रदान गर्ने, मलेसियामा रहेकाका परिवारलाई वित्तीय साक्षरता अभिवृद्धि र कमाएको धनको सही सदुपयोग गरी राष्ट्रनिर्माणमा सहयोग गर्ने, मलेसियाबाट फर्किएका युवाका लागि सामूहिक लगानीका सम्भावनाको खोजी गर्ने उद्देश्य राखेको छ ।