हारेर पनि अन्तिम आठमा रियल मड्रिड

माघ ३, २०७५ बिहीबार ७:५८:२ | उज्यालो सहकर्मी

स्पेनिस फुटबल प्रतियोगिता कोपा डेल रेमा रियल मड्रिड अन्तिम आठमा प्रवेश गर्दा एट्लेटिको मड्रिड भने बाहिरिएको छ ।

बुधबार राति भएको खेलमा रियल मड्रिड दोस्रो लेगमा लेगानेससँग एक शून्यले पराजित भयो । तर पहिलो लेगमा हात पारेको तीन शून्य गोलको अग्रताका कारण उसले हारपछि पनि क्वार्टरफाइनलमा स्थान बनायो ।

समग्रमा रियल तीन एकको क्वार्टरफाइनलमा प्रवेश गर्‍याे । रियललाई हारको स्वाद चखाउन मार्टिन ब्रेथवेटले गोल गरेका थिए । अर्को खेलमा सेभियाले एट्लेटिको विल्बाओलाई समग्रमा तीन दुईले हराउँदै क्वार्टरफाइनलमा प्रवेश गर्यो ।

दोस्रो लेगमा एक शून्यले पराजित भए पनि सेभियाले अन्तिम आठमा स्थान बनायो । जिरोनासँग प्रिक्वाटरफाइनलको दोस्रो लेगमा तीन–तीन खेलको बराबरी खेलेपछि एट्लेटिको मड्रिड अवे खेलमा पछि पर्दै प्रतियोगिताबाट बाहिरियो ।

खेलको १२ औं मिनेटमा निकोला केलिनिकको गोलमार्फत एट्लेटिकोले अग्रता बनाएको थियो । तर ३७ औं मिनेटमा भलेरी फर्नान्डेजले गोल गर्दै खेल एक–एकको बराबरीमा पुर्‍याए ।

त्यसपछि ५९ औं मिनेटमा क्रिस्टियन स्टुनीले गोल गर्दै जिरोनालाई दुई एकले अगाडि राखे । तर ६६ औं मिनेटमा एञ्जेल कोरीको गोलले एट्लेटिकोले खेल दुई–दुई को बराबरी गर्न सफल भयो ।

त्यसपछि एन्टोइन ग्रिजमनले गोल गर्दै फेरी एट्लेटिकोलाई अग्रता दिलाएका थिए । तर खेलको अन्तिम समयमा सिइडु डोउम्बियाले गोल गर्दा जिरोनाले क्वार्टरफाइनलमा स्थान बनाउन सफल भयो ।

अन्तिम अपडेट: कात्तिक १४, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्