खेल्दाखेल्दैका क्रिकेट म्याचहरु राेक्नुपरेका विश्वका अनाैठा घटनाहरु

 माघ ९, २०७५ बुधबार १८:३९:१९ | एजेन्सी

खेलमैदानमा चलिरहेको क्रिकेट खेल जोरले पानी परेका कारणले वा प्रकाशकाे कमीका कारण रोकिएको त हामीले सुनेको छौँ । तर विश्वमा यस्ता कतिपय अचम्म लाग्दा घटनाहरु भएका छन्, जसले गर्दा चलिरहेको क्रिकेट खेल केही समयको लागि रोक्नुपरेको छ ।

फरक फरक समयमा विश्वका विभिन्न ठाउँमा घटेका यस्ता घटनाहरु यस्ता छन् :

आँखामा अस्ताउँदै गरेकाे सूर्यको किरण पर्दा 

भारतका ब्याट्सम्यान शिखर धवन आफ्नो आँखामा सूर्यको किरण पर्यो भन्दै खेल्न छोडेर मैदान बाहिर गएपछि खेल रोकिएको थियो । सूर्यको किरणले आँखामा समस्या ल्याएको भन्दै उनी मैदानबाहिर गएका थिए ।

याे घटना आज अर्थात जनवरी २३ तारिखकाे हाे ।

न्यूजिल्याण्डको म्याकलिन पार्कमा न्यूजिल्याण्ड र भारतबीच बुधबार भइरहेको त्यो खेलमा सूर्यका किरण आँखामा पर्दा खेल केही समयको लागि रोकिएको थियो । खेलका अम्पाएर साउन जर्जले यसलाई आफू अम्पाएरको काम गर्न थालेको १५ वर्षको अवधिमा भएको पहिलो र अनौठो घटना भनेका छन् । उनले ‘सन स्टप्ड प्ले, लभ इट’ भन्दै ट्विट पनि गरेका छन् ।

टोस्टको टुक्रा जल्दा

खेल जित्नको लागि मात्र १८ रन बाँकी थियो । क्वीन्सल्याण्ड विरुद्धको सेफिल्ड सिल्डको सन् २०१७–१८ को सिजनमा सोचेभन्दा पनि बढी आराम मिल्यो । अलान बोर्डरमा फाएर अलार्म बजेपछि न्यू साउथ वेल्सले ३० मिनेटको लागि ब्याटिङ गर्न नै रोकिदियो । अष्ट्रेलियाका स्पिनर नादन लीवनले टोस्टको टुक्रा जलाएपछि त्यसको बास्नाले गर्दा आगलागी भयो कि भन्दै दमकल खेल मैदानमा आएको थियो । पछि त्यहाँका अधिकारीहरुले खेल अगाडि बढाउन भनेपछि पुनः खेल सुरु भएको थियो । 

पिचमा कार गुडेपछि

एकजना मान्छे कारसहित क्रिकेट पिचमा छिरेपछि दिल्लीको उत्तरप्रदेशविरुद्ध भइरहेको रणजी ट्रफीकाे खेल बीचमै रोकियो । खेलाडी र अम्पाएरले रोक्न खोज्दा पनि ती मान्छेले कसैलाई मत्लब नै नगरी सिधै कारलाई पिचमा पुर्याए ।

केही महिना अगाडि भएको त्यो खेलमा उनले खेलमैदानमा कुनै पनि सुरक्षा व्यवस्था नभएको दावी गरेका थिए । तर त्यसले कुनै मानवीय र भौतिक क्षति भने गरेको थिएन ।

मैदानमा सर्प देखिँदा

सन् २००९ मा सिड्नीको ब्लयाक टाउनमा चलिरहेको एक खेल एउटा मरेको सर्प मैदानमा देखिदा २० मिनेटको लागि रोकिएको थियो । 

खेलाडीहरुलाई तर्साउनको लागि खेल सुरु हुनुभन्दा अगाडि बाहिरबाट दर्शकहरुले त्योे मरेको सर्पलाई मैदामा फालेको थियो ।

सँगुर मैदानमा आउँदा

सन् १८८९ मा वोर्सटर्सायर र डर्बिसायरबीचको खेलमा सुँगुर कुद्न थालेपछि खेल रोकिएको थियो ।यस्तै सन् १९८२ मा पनि सिड्नीमा चलिरहेको एक खेलमा खेलाडीहरुको नाम लेखिएको सुँगुर छोडिएको थियो । त्यो सुँगुरको एकापट्टी बोथाम र अर्कोपट्टी इडी लेखिएको थियो । इङ्ल्याण्डका खेलाडी बीफी बोथाम र इडी हेमिङ्ग्सलाई व्यङ्ग्य गर्दै त्यसरी सुँगुर छोडिएको अनुमान गरिएको थियो । 

हिउँ पर्दा खेल रोकियो

चिसो महिनामा हिउँ परेर खेल रोकिनु त सामान्य हो तर गर्मी महिना अर्थात जुनमा हिउँ परेर मैदान भरिँदा खेल सञ्चालन नहुनु दुर्लभ घटना मानिन्छ । यो घटना इङ्ल्याण्डमा सन् १९९७ जुन २  मा भएको थियो । 

मैदानमा जमेको करिव एक ईन्च बाक्लो हिउँका कारण चलिरहेको डर्वीसाएर च्याम्पियनशिप का कुनैपनि खेल सुचारु हुनसकेका थिएनन् ।

बल र विकेटको बियो (बेल) हराउँदा 

सन १९८१ मा भारत र इङ्ल्याण्डबीच दिल्लीमा भइरहेको एक म्याचमा अम्पाएरले बल राखेको दराजको साँचो हराउँदा केही समयको लागि खेल रोकिएको थियो ।

यस्तै सन् २००९ मा विकेटमाथि चढाइने बियो(बेल) हराउँदा चलिरहेको ग्लामोर्गान च्याम्पियनशिप खेलकोे तेस्रो दिन बेल नभेटाउँदा केही समयको लागि रोक्नुपरेको थियो । खेलमैदानका कर्मचारीहरुले मैदान सफा गर्दा बेल हराएको हुनसक्ने अनुमान गरिएको थियो ।

मैदानमा मुसा दौडिँदा खेल रोकियो

सन् १९५७ मा क्यान्टरबरिमा चलिरहेको एक खेलको बीचमा मुसा दौडिँदा खेल नै  रोकिएको थियो । मुसा समात्ने मान्छेले यसलाई पछ्याएर आफ्नो ह्याटमा पक्रेका थिए । यस्तै सन् १९६२ पाकिस्तान विरुद्धको लर्ड टेस्टमा पनि मुसा मैदानमा दौडिँदा खेल रोकिएको थियो ।
 

अन्तिम अपडेट: कात्तिक १८, २०८१

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

समाचार

लोकप्रिय

१

प्रधानमन्त्री केपी ओली बिरामी

२

‘दीपक मनाङे’ ज्यान मार्ने उद्याेगमा दाेषी ठहर

३

बैंक तथा वित्तीय संस्थामा खाता खोल्दा केवाईसी विवरण भर्नु नपर्ने

४

माेटरसाइकल पल्टिँदा राेल्पामा एक जनाकाे ज्यान गयाे

विचार

उज्यालो टी भी

वैदेशिक रोजगारीमा जादा सुरक्षित हुने तरिका

मनोपरामर्शले बदलेको जीवन कथा

विदेशबाट श्रीमान् फर्काउने साहस बटुलेका वित्तीय कक्षा सहभागीका कथा

मेरो कथा मेरो भोगाई