दाेस्राे टी-२०: जितका लागि नेपालले पायाे १०८ रनकाे लक्ष्य

माघ १८, २०७५ शुक्रबार १६:२४:४ | उज्यालो सहकर्मी

यूएईले नेपाललाई १०८ रनको लक्ष्य दिएको छ । टस जितेर पहिले ब्याटिङ गरेको युएई १९.२ ओभरमा अल आउट हुँदै १०७ रनमा समेटिएको थियो ।

यूएईलाई सस्तैमा राेक्न नेपालका अभिनास बोहराले सर्वाधिक तीन विकेट लिँदा सोमपाल कामी, करण केसी र सन्दीप लामिछानेले दुई दुई विकेट लिए । नेपालले आज ६ जना बलर लगाएकोमा पवन शर्राफ र ललितनारायण राजबंशी भने विकेटविहीन बने ।

पहिलो ओभरको अन्तिम बलमा सोमपालले अस्फाक अहमदलाई आउट गर्दै नेपाललाई पहिलो सफलता दिलाएका थिए । सोमपालले नै तेस्रो ओभरको तेस्रो बलमा गुलाम शब्बरलाई पेभेलियन पठाउँदै नेपाललाई सुरुमै दुई विकेट दिलाए ।

सन्दीप लामिछानेले नेपाललाई तेस्रो र चौथो सफलता दिलाएका थिए । छैटौं ओभरमा ब्यक्तिगत पहिलो ओभर लिएर आएका सन्दीपले पाँचौ बलमा शैमान अनवरलाई आउट गरे । अनवर ११ बलमा १४ रन बनाएर खेलिरहेका थिए ।

अन्तिम बलमा पनि सन्दीपले व्यक्तिगत दोस्रो विकेट हात पारे । दोस्रो विकेटको रुपमा मोहमद उस्मानलाई आउट गरेका थिए ।

करण केसीले नेपाललाई पाँचौ सफलता दिलाए ।

करणले १०.३ ओभरमा यूएईका मोहमद बूतालाई आउट गरे । उनले बूता र सिपी रिजवानका बीचमा २४ रनको साझेदारी तोड्न सफल भए । बूता ११ रन बनाएर आउट भएका हुन् ।

छैटौं विकेटको रुपमा अभिनास बोहराले अमिर हायातलाई आउट गरेका थिए । अभिनास बोहराले सातौं सफलता दिलाएका थिए । १४।३ ओभरमा उनले मोहमद नाभिदलाई ज्ञानेन्द्र मल्लको हातबाट क्याच आउट गराएका हुन् ।

आठौं विकेटको रुपमा नेपालले रन आउटको रुपमा हात पारेको थियो । यूएईका मोहमद सुल्तान ४ रन बनाएर रन आउट भए पछि नेपालले आठौं सफलता हात पारेको थियो । ललितनारायण राजबंशीको बलमा दीपेन्द्रसिंहले रन आउट गरे ।

आफ्नो स्पेलको अन्तिम ओभर लिएर आएका अभिनास बोहराले नेपाललाई नवौं सफलता दिलाएका छन् । उनले १८।२ ओभरमा ४४ रन बनाएर खेलिरहेका यूएईका ओपनर सिपी रिजवानलाई क्याच आउट गराए । अभिनासले योसँगै तीन विकेट लिन सफल भए । अन्तिम ओभर लिएर आएका करण केसीले जहूर खानलाई आउट गरेपछि यूएईको पारी १०७ रनमा समेटिएको थियो ।

अन्तिम अपडेट: कात्तिक १२, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्