टी–२० मा सन्दीपको ५० औं विकेट

चैत २४, २०७५ आइतबार १८:१०:२९ | उज्यालो सहकर्मी

काठमाण्डौ – नेपाली राष्ट्रिय क्रिकेट टिमका लेग स्पिनर सन्दीप लामिछानेले टी–२० खेलमा ५०औं विकेट लिएका छन् । रोयल च्यालेन्जर्स बैङ्गलोरविरुद्धको खेलमा १ विकेट लिँदै १८ वर्षीय युुवक ५० विकेट लिने पहिलाे नेपाली बलर भएका छन् ।

टस जितेर दिल्लीले पहिले बलिङ गर्ने निर्णय गरको थियो । ब्याटिङमा उत्रिएको बैङ्गलोरले निर्धारित ओभरमा ८ विकेट गुमाउँदै १ सय ४९ रन मात्र बनाउन सक्यो । उसका लागि कप्तान विराट कोहलीले सर्वाधिक ४१ र मोइन अलीले ३२ रनको योगदान गरे ।

बैङ्गलोरलाई सस्तैमा समेट्न कागिशो रवाडाले ४ ओभरको स्पेलमा २१ रन दिँदै ४ विकेट लिए । क्रिस मोरिसले २ विकेट लिँदा अक्षर पटेल र सन्दीपले १/१ विकेट बाँडे । आजको खेलमा सन्दीप महङ्गो सावित भए । उनले ४ ओभरमा ४६ रन दिँदै १ महत्वपूर्ण विकेट लिएका हुन् ।

सन्दिपले गत संस्करणको आईपिएलमा बैंग्लोर बिरुद्धको खेलबाट नै ट्वान्टी ट्वान्टीमा डेब्यू गरेका थिए । त्यसयता सन्दिपले ४० खेलमा ५० विकेट पूरा गरेका हुन् । सन्दीप पछाडि टी-२० मा नेपालको लागि धेरै विकेट लिने सूचिमा बसन्त रेग्मी रहेका छन् , उनले ३५ खेलमा ४६ विकेट लिएका छन् ।

अन्तिम अपडेट: कात्तिक १०, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्