न्यूनतम साझा कार्यक्रम र सङ्कल्प प्रस्ताव ल्याउनु ठूलो कुरा होइन,...
चैत १५, २०८० बिहिबार
माेरङ - विराटनगर विमानस्थलमा पूर्व राजा ज्ञानेन्द्र शाहका झोलाहरु छाड्नको लागि आएको कार गए राति मोरङको सुन्दर हरैचा नगरपालिका वडा नम्बर ४ बुधबारेमा दुर्घटनामा परेको छ ।
राति ९ बजे विराटनगर विमानस्थलमा राजालाई छाडेर फर्किँदै गर्दा बुधबारे चोकमा कारको ठक्करबाट मोटरसाइकलमा यात्रा गरिरहेका १ जनाको ज्यान गएकाे छ भने १ जना घाइते भएका छन् ।
पूर्वतर्फ जाँदै गरेको बा ३ च ७९६२ नम्बरको कारले विपरीत दिशाबाट आउँदै गरेको को १५ प ९९७८ नम्बरको मोटरसाइकललाई राति ९ बजे ठक्कर दिएको थियो ।
कारको ठक्करबाट मोटरसाइकल चालक २२ वर्षीय हेम चौधरीको नोबेल अस्पताल विराटनगर उपचारको क्रममा ज्यान गएको प्रहरीले जनाएको छ । मोटरसाइकल चालक इटहरी उप–महानगरपालिका–८ बस्ने २२ वर्षीय प्रकाश चौधरीको नोबेल अस्पतालमा उपचार भैंरहेको जिल्ला प्रहरी कार्यालय मोरङका एसपी मनोज केसीले जानकारी दिए ।
एसपी केसीका अनुसार पूर्व राजा चढेको गाडी नभई उहाँको सामान बोकेको भरिया कारले ठक्कर दिएको हो ।
पूर्व राजा ज्ञानेन्द्र शाह हिजो साँझ ६ बजेको श्री एयरबाट फर्किनु भएकाे हाे । ठक्कर दिने गाडीका चालक दिपेन्द्र लम्साल प्रहरीको नियन्त्रणमा रहेको एसपी केसीले बताउनुभयाे ।