एसीसी यू–१६ पूर्वी क्षेत्रीय कप : म्यानमारलाई ७ विकेटले हराउँदै नेपालको विजयी सुरुवात

 बैशाख ७, २०७६ शनिबार ११:१४:३३ | उज्यालो सहकर्मी
unn.prixa.net

एसीसी यू–१६ पूर्वी क्षेत्रीय कपमा नेपाल म्यानमारविरुद्धको पहिलो खेलमा ७ विकेटले विजयी भएको छ ।

म्यानमारले दिएको ५९ रनको लक्ष्य नेपालले ८.१ ओभरमा ३ विकेट गुमाउँदै भेट्याएको हो । ५० ओभरको खेलमा टस जितेर ब्याटिङमा उत्रिएको म्यानमारले १३.२ ओभरमा अलआउट हुँदै ५८ रनमात्र बनाउन सक्यो । 

नेपालका लागि अर्जुन कुमालले १४ बलको सामना गर्दै चार चौकाको मद्दतमा अविजित २६ रन बनाए । त्यस्तै सुवास ऐरले ११, दीपक बोहरा ६, विशाल विक्रमकेसीले ३ र प्रशान्त महतले अविजित ९ रन बनाए । म्यानमारका लागि काउंग एचटेटले २ विकेट लिए भने जिन कोकोले १ विकेट लिए । 

यसअघि म्यानमारका लागि जम्मा दुई खेलाडीले मात्र दोहोरो अंक बनाउन सके । उसका लागि काउंग एचटेटले १९ र क्रिस्टोफरले ११ रन बनाए । म्यानमारका चार खेलाडीले एक रन पनि जोड्न सकेनन् । 

म्यानमारको इनिङ ध्वस्त पार्ने क्रममा विशाल विक्रम केसीले सर्वाधिक ४ विकेट लिए । ५ ओभर फ्याँकेका केसीले २१ रन दिँदै ४ विकेल लिएका हुन् । रमेश कुर्मी र निखिल कुमार सिंहले समान १-१ विकेट लिए । म्यानमारका ३ खेलाडी रनआउट भए ।    

 

अन्तिम अपडेट: भदौ ४, २०७६

तपाईको प्रतिक्रिया