यू–१६ इस्टर्न रिजन च्याम्पियनसिप : नेपाल समूह विजेता बन्दै फाइनलमा प्रवेश

वैशाख १४, २०७६ शनिबार १४:४:० | उज्यालो सहकर्मी

नेपाल एसीसी यू–१६ रिजन च्याम्पियनसिपको फाइनलमा प्रवेश गरेको छ ।

शनिबार भएको खेलमा नेपालले हङकङलाई चार विकेटले हरायो । यो सँगै नेपाल लगातार दोस्रो पटक फाइनलमा पुगेको छ । साविक विजेतासमेत रहेको नेपाल उपाधि रक्षा गर्ने अभियानका साथ थाइल्याण्ड पुगेको थियो ।

थाइल्याण्डको प्रेम तिन्सुलानान्डा अन्तर्राष्ट्रिय स्कुलको मैदानमा भएको खेलमा हङकङ ३२ ओभर २ बलमा ८६ रनमा अलआउट भयो । हङकङका लागि एक खेलाडीले मात्र दोहोरो अंक छोए । नेपालले हङकङको खाता नखुल्दै पहिलो विकेट लियो । हङकङका जगराज सिंह शून्य रनमा नै आउट भए । त्यसपछि ८ रन हुँदा नेपालले दोस्रो सफलता हात पार्यो । उसका लुकास गाब्रियलले एक रनमात्र बनाउन सके ।

हङकङको स्कोर ३१ रन हुँदा ब्रिज सियोपुरी ८ रन बनाएर पेभेलियन फर्किए । त्यसपछि हङकङले स्कोरबोर्डमा मात्र एक रन थप्दा चौथो विकेट खेर फाल्यो । हङकङका मोहम्मद जाहिर खाता खोल्न नपाउँदै आउट भए । त्यसपछि हंङकङको स्कोर ५९ रन हुँदा नेपालले पाँचौ विकेट लियो । उसका रौनक कपुर मात्र चार रनमा आउट भए ।

त्यसपछि हङकङले स्कोरबोर्डमा ६६ रन बनाउँदा ६ विकेट खेर फाल्यो । अहान त्रिवेदी ५ रनमा रनआउट भए । त्यसको लगत्तै नेपालले हङकङको सातौं विकेट लियो । उसका वाहिद मोहम्मद खाता खोल्न नपाउँदै आउट भए ।

एकपछि अर्को विकेट गुमाएको हङकङको स्कोर ८३ रन हुँदा आठौं विकेट गयो । मुद्दसार खान मुहम्मद चार रनमा आउट भए । त्यसपछि कुनाल सुनील पनि एक रनमा आउट भएपछि नेपालले नवौं सफलता हात पार्यो र हङकङ ८६ रनमा सीमित भयो । नेपालले २० रन अतिरिक्त दिएको थियो ।

बलिङमा नेपालका निखिल कुमार सिंहले चार तथा रमेश कुर्मी र विशालकुमा पटेलले दुई-दुई विकेट हात पारे ।

८७ रनको लक्ष्य पछ्याएर जवाफी ब्याटिङमा उत्रिएको नेपालले २१ ओभर चार बलमा ६ विकेट गुमाउँदै लक्ष्य भेछ्यायो । नेपालले पनि सुरुवात राम्रो गर्न सकेन ।

नेपालले १९ रन हुँदा पहिलो विकेट गुमायो । नेपालका ओपनर दिपक बोहोरा ११ रनमा आउट भए । त्यसपछि अर्का ओपनर सुवास ऐयर १० रनमा आउट भएपछि नेपालले २९ रनमा दोस्रो विकेट गुमायो ।

नेपालको स्कोर ४४ रन हुँदा तेस्रो विकेट गयो भने ५१ रनमा चौथो विकेट झर्यो । कप्तान विकाश विक्रम केसी सात रनमा र आशिष भट्टराई १७ रनमा पेभेलियन फर्किए । त्यसको लगत्तै नेपालले पाँचौ विकेट खेर फाल्यो । प्रशान्त महत मात्र एक रनमा आउट भए ।

नेपालका मिडिलअडरका खेलाडीबीच राम्रो साझेदारी हुन नसक्दा नेपालले एकपछि अर्को विकेट गुमायो । नेपालको स्कोर ६९ रन हुँदा छैटौं विकेट गयो । रोहन दुधराज १४ रनमा आउट भए । अन्तिममा क्रिश कार्की र निखिलकुमार सिंहले नेपाललाई सहज जित दिलाए ।

नेपालले फाइनलमा सिंगापुर र मलेसियाबीचको खेलको विजेतासँग आइतबार खेल्नेछ ।

अन्तिम अपडेट: कात्तिक २२, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्