पाँचाैँ राष्ट्रिय महिला भलिबल प्रतियोगिताको उपाधि एपीएफलाई

वैशाख १७, २०७६ मंगलबार १९:४६:२९ | उज्यालो सहकर्मी

काठमाण्डाै - पाँचौँ राष्ट्रिय महिला भलिबल प्रतियोगिताको उपाधि एपीएफले जितेको छ ।

मंगलबार भएको फाइनल खेलमा एपीएफले आर्मीलाई ३–० को सोझो सेटमा हराउँदै लगातार पाँचौ पटक च्याम्पियन बनेको हो । एपीएफले आर्मीलाई २५–१४,२९–९ र २५–१५ को सोझो सेटमा पराजित गरेको थियो ।

एपीएफको जितमा उत्कृष्ट खेलाडीको उपाधि जितेकी सरस्वती चौधरीले स्पाइकमार्फत २७ अंक, ब्लकमा ८ र सर्भिसबाट १ अंकको योगदान दिएकी थिइन् । फाइनल खेलकी वुमन अफ दि म्याच चुनिएकी नेभिका चौधरीले स्पाइकमा २३ अंक जोड्दा ब्लकमा ६ र सर्भिसबाट १ अंकको योगदान दिइन् । एपीएफकै हिरा केसीले टिमका लागि स्पाइक र ब्लकबाट ९-९ अंक जोडिन् ।

उपविजेता आर्मीकी निरुता ठगुन्नाले १३ अंक, सुनिता खड्काले १२ अंक तथा सोफिया पुनले ९ अंकको योगदान दिएका थिए ।

शेरबहादुर खड्का स्मृति प्रतिष्ठानको आयोजनामा सञ्चालित प्रतियोगिताको तेश्रो स्थान न्यु डायमण्डले जितेको छ । न्युडायमण्डले नेपाल पुलिसलाई २५–२२,२५–१८ र २५–२२ को सोझो सेटमा हराएको थियो ।

प्रतियोगिताका विजेता टिम तथा खेलाडीलाई राष्ट्रिय खेलकुद परिषद्का उपाध्यक्ष पिताम्बर तिम्सिना,मुख्य प्रायोजक केएनपीका नेपाल प्रमुख मनोजकुमार मिश्र, नेपाल भलिबल संघका अध्यक्ष मनोरन्जन रमण शर्मा,प्रतिष्ठानकी संरक्षक गमली खड्कालगायतले पुरस्कार प्रदान गरेका थिए । ।

प्रतियोगिताका विधागत विजेता खेलाडी तथा प्रशिक्षकलाई जनही नगद ७ हजार रुपैयाँ प्रदान गरिएकाे थियाे । विधागततर्फ उत्कृष्ट स्पाइकरमा न्यु डायमण्डकी प्रतिभा माली, उत्कृष्ट ब्लकरमा एपीएपकी हिरा केसी, उत्कृष्ट सेटरमा एपीएफकै बिनिता बुढाथोकी, उत्कृष्ट डिफेन्समा एपीएफकी मनिषा तामाङ तथा उत्कृष्ट सर्भरमा आर्मीकी सोफिया पुन चुनिए ।

उत्कृष्ट प्रशिक्षकको उपाधि एपीएफका प्रशिक्षकले जिते ।

अन्तिम अपडेट: कात्तिक १४, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्