सलाह र फिर्मिनाेबिना बार्सिलोनाविरुद्ध लिभरपुल : पुनरागमन गर्न सक्ला ?

वैशाख २४, २०७६ मंगलबार ८:४६:३६ | उज्यालो सहकर्मी

च्याम्पियन्स लिग सेमिफाइनल दोस्रो लेगमा मंगलबार राति स्पेनिस च्याम्पियन बार्सिलोना र इंग्लिस टोली लिभरपुल आमने–सामने हुँदैछन् ।

लिभरपुल च्याम्पियन्स लिगको फाइनलमा पुगेको खण्डमा उसका लागि यो अहिलेसम्मकै सबैभन्दा महान नतिजा हुनेछ । नाउ क्याम्पमा भएको पहिलो लेगमा लियोनल मेस्सी प्रेरित बार्सिलोनाले ३–० गोलअन्तरको सानदार जित आत्मसाथ गरेको थियो ।

दोस्रो लेग राति एनफिल्ड रंगशालामा पौने १ बजेदेखि सुरु हुनेछ । घरेलु लिग ला लिगाको उपाधि जितिसकेको बार्सिलोनाका लागि लियोनल मेस्सीको लय मुख्य हतियार हो । ३१ वर्षे मेस्सीले पहिलो लेगमा गरेको अविश्वसनीय फ्रिकिक गोलको चर्चा अझै सेलाएको छैन । उनले त्यस खेलमा २ गोल गरेका थिए ।

यता लिभरपुलका मुख्य फरवार्डहरु मोहम्मद सलाह र रोवर्टो फिर्मिनो आजको खेलमा उपस्थित हुनेछ छैनन् । न्युकासल विरुद्धको प्रिमियर लिगको खेलका क्रममा दुवै खेलाडी चोटग्रस्त भएका थिए ।

लिभरपुलका प्रशिक्षक जर्गेन क्लपले भनेका छन्, ‘विश्वकै दुई उत्कृष्ट स्ट्राइकरहरु बार्सिलोनाविरुद्धको खेलमा हुने छैनन, तर हामीलाई ४ गोल गर्नुछ ।’ डिफेण्डरहरु भान डाइक र एलेक्स च्याम्बरलिनले पनि सोमबार प्रशिक्षण गरेका छैनन् ।

च्याम्पियन्स लिग दोस्रो सेमिफाइनल दोस्रो लेगमा बुधबार टोटनह्याम र नेदरल्याण्ड्सको आयाक्स भिड्दैछन् । टोटनह्यामको घरेलु मैदानमा १–० गोलको महत्वपूर्ण अवे जित निकालेको आयाक्सले बुधबार घरेलु मैदानमा भिड्न लागेको हो ।

अन्तिम अपडेट: कात्तिक १३, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्