विश्वकप लिग टू अन्तर्गतका केही खेलहरु नेपालमा हुने

वैशाख २४, २०७६ मंगलबार १७:३२:३२ | उज्यालो सहकर्मी

काठमाण्डाै - आईसीसी एक दिवसीय विश्वकप छनोटका रुपमा रहेको विश्वकप लिग टू अन्तर्गतका केही खेलहरु नेपालमा हुने भएको छ ।

क्यान निलम्बनमा परेका कारण नेपालले अन्तर्राष्ट्रिय खेल सञ्चालन गर्न नपाएको लामो समय भइसकेको छ । यसअघि नेपालले सन् २०१७ मा केन्याविरुद्ध अन्तर्राष्ट्रिय खेल खेलेको थियो । आईसीसी विश्व क्रिकेट लिग च्याम्पियनसिप अन्तर्गत केन्यासँगै नेपालले नामिबियालाई पनि घरेलु मैदानमा हजारौं समर्थकका माझ सत्कार गरेको थियो ।

नेपाली दर्शकले झण्डै तीन वर्षपछि पहिलो अन्तर्राष्ट्रिय खेल हेर्ने सौभाग्य पाउँदैछन् ।

अन्तर्राष्ट्रिय क्रिकेट परिषद् आईसीसीले आज आईसीसी एक दिवशीय (पुरुष) विश्वकप लिग–२ को पहिलो आठ सिरिजको घोषणा गरेको छ । सन् २०२३ मा भारतमा हुने विश्वकपको छनोटका रुपमा रहेको लिग टू आगामी अगष्टदेखि सुरु हुनेछ ।

अहिले आईसीसीले सातवटा आयोजकको निश्चित गरेको छ । लिग टू अन्तर्गत फेब्रुअरी ५ देखि १२ सम्म त्रिभूवन विश्वविद्यालय क्रिकेट मैदानमा नेपाल, अमेरिका र ओमानबीच प्रतिस्पर्धा हुनेछ । आईसीसीले तीन–तीन टिम राखेर कुल २१ वटा ट्राई सिरिजको घोषणा गरेको हो ।

यो प्रतियोगिताले एक दिवशीय मान्यता पाएका नेपाल र यूएईसँगै नयाँ देशहरु ओमान, अमेरिका, पपुवा न्यू गिनी, नामिबिया र स्कटल्याण्डलाई प्रतिस्पर्धात्मक क्रिकेटमा जान सहयोग पुग्ने अपेक्षा आईसीसीको छ ।

सन् २०२२ सम्म एक दिवसीय मान्यता पाएका यी टिमहरुले ३६ वटा एक दिवसीय म्याच खेल्नेछन् ।

कुल ३६ वटा खेल सकिएपछि शीर्ष स्थानमा रहने तीन टिमले आईसीसी विश्वकप छनोटमा सहभागिता जनाउनेछन् भने बाँकी चार टिम आईसीसी विश्वकप छनोटको प्लेअफमा प्रतिष्पर्धा गर्नेछन् ।

अन्तिम अपडेट: कात्तिक ११, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्