आर्सनल यूईएफए युरोपा लिगको फाइनलमा

वैशाख २७, २०७६ शुक्रबार ६:३७:२९ | उज्यालो सहकर्मी

आर्सनल यूईएफए युरोपा लिगको फाइनलमा प्रवेश गरेको छ । स्पेनिस क्लब भ्यालेन्सियालाई समग्रमा सात तीन गोल अन्तरले हराउँदै आर्सनलले फाइनलमा स्थान बनायो ।

पहिलो लेगमा तीन एकको जित निकालेको आर्सनलले दोस्रो लेगमा बिहीबार राति चार दुईको जित निकाल्दै सहज रुपमा फाइनलको यात्रा तय गर्‍यो । दोस्रो लेगमा भ्यालेन्सिया विरुद्ध जित निकाल्न पिएरी अवामेयाङले ह्याट्रिक गरे ।

खेलको ११ औं मिनेटमा गामिरोकोे गोलमा भ्यालेन्सियाले अग्रता बनायो । तर १७ औं मिनेटमा आर्सनलका लागि पिएरीले गोल गर्दै खेल बराबरीमा पुर्‍याए । त्यसपछि ५० औं मिनेटमा लाकाजेटीले आर्सनलका लागि गोल गर्दै खेल दुई एकको अवस्थामा पुर्‍याए । ५८ औं मिनेटमा फेरि गामिरोले भ्यालेन्सियालाई बराबरीमा पुर्‍याए ।

६९ औं र ८८ औं मिनेटमा पिएरीले गोल गर्दै उनले ब्यक्तिगत ह्याट्रिक पूरा गरे भने टिमलाई चार दुईको जित दिलाए । जसका कारण आर्सनलले फाइनलमा स्थान बनायो ।

अब उसलाई अर्को सिजनको च्याम्पियन्स लिगमा स्थान बनाउन र युरोपा लिगको उपाधि उचाल्न चेल्सीको चुनौती पन्छाउनु पर्नेछ । आर्सनल सातौं पटक युरोपा लिगको फाइनलमा पुगेको हो । यसका साथै आर्सनलले स्पेनिस टिम विरुद्ध पछिल्ला ८ खेलमा पहिलो पटक जित निकालेको हो ।

अन्तिम अपडेट: कात्तिक १४, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्