कांग्रेस नेता रिजालको प्रश्न : के हेरेर संवैधानिक परिषदले जोशीलाई सिफारिस गर्‍याे ?

 साउन १८, २०७५ शुक्रबार २०:४७:४९ | उज्यालो सहकर्मी
unn.prixa.net

काठमाडौं – संसदीय सुनुवाइ विशेष समितिले प्रस्तावित प्रधानन्यायाधीश दीपकराज जोशीलाई अस्वीकृत गरेसँगै  प्रमुख प्रतिपक्षी दल नेपाली कांग्रेसले के गर्छ भन्ने जिज्ञासा उब्जिएको छ । 

कांग्रेसले जोशीलाई जसरी पनि प्रधानन्यायाधीशमा स्वीकृत गर्नुपर्छ भन्दै आएको थियो । समितिको बैठक नै बहिष्कार गर्ने कांग्रेसको धम्कीका कारण समितिको बैठक २ पटक सम्म सरेको थियो । अस्वीकृत हुने पक्का भएपछि आजको बैठक पनि बहिष्कार गरेको कांग्रेसको अगाडि दुईतिहाई बहुमत रहेको सत्तारुढ दलको अगाडि जोर चलेन । अन्ततः जोशी प्रधानन्यायाधीशमा अस्वीकृत भैछाडे । 

सर्वोच्चका वरिष्ठ न्यायाधीश रहेका जोशीको प्रधानन्यायाधीश बन्ने बाटो अब बन्द भइसकेको छ । यो अवस्थामा अब कांग्रेसले के गर्छ त ?  

उज्यालाेसँग कुरा गर्दै नेपाली कांग्रेसका सांसद मिनेन्द्र रिजालका अनुसार कांग्रेसको भोलि बस्ने बैठकले यसबारेमा आवश्यक निर्णय लिने बताउनुभयो ।  

‘प्रमुख कुरो संवैधानिक परिषदले सिफारिस गर्ने बेलामै के हेरेर सिफारिस गर्‍याे भन्ने प्रश्न अहिलेको हो । न्यायाधीशहरुको अभिलेख राख्ने, अध्यावधिक गर्ने सबै काम न्यायपरिषदले गर्छ,’ उहाँले भन्नुभयो, ‘तर अहिले आएर प्रमाणपत्रको कुरो निकालेर जोशीलाई अस्वीकृत गर्नुले हाम्रो न्यायपरिषदको काम कारबाही कति कमजोर रहेछ भन्ने छताछुल्ल पारेको छ ।’  

‘सिफारिस गर्दा सामान्य छानविन पनि भएन । यदि सुरुवातमै छानविन गरेको भए यति धेरै विवाद नै निस्कने थिएन’, रिजालले भन्नुभयो ‘तर प्रधानमन्त्री अध्यक्ष रहेको न्यायपरिषदले कुनै पनि खोज र छानविन नै गरेन । यो भनेको लज्जास्पद कुरो हो ।’ 

प्रधानमन्त्री अध्यक्ष रहने न्यायपरिषदले योग्य÷अयोग्य के छ हेर्दै नहेरी सिफारिस गर्नुले प्रधानमन्त्रीकै नैतिकतामाथि नै प्रश्न उठेको बताउँदै सांसद रिजालले प्रधानमन्त्रीले गरेको सिफारिस संसदीय समितिले अस्वीकृत गरेकाले यसको नैतिक जिम्मेवारी पनि प्रधानमन्त्रीले नै लिनुपर्ने बताउनुभयो ।  

‘यो घटनामा फजुल राजनीतिकरण भएको हो । शैक्षिक प्रमाणपत्रलगायतका आरोपका विषयमा न्यायपरिषदमा कुनै छलफल नहुनु तर समितिले त्यसैलाई आधार बनाएर जोशीलाई प्रधानन्यायाधीशमा अस्वीकृत गर्नु भनेको एउटा नाटकबाजी बाहेक अरु केही होइन’, रिजालले भन्नुभयो । नेपाली कांग्रेसले आफ्नो आधिकारिक धारणा शनिबार बैठक बसेर बाहिर ल्याउने पनि रिजालले जानकारी दिनुभयो । 

अन्तिम अपडेट: कात्तिक १४, २०८१

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

4 Comments

  • लोक विनयी

    Aug. 4, 2018, 6:22 p.m.

    मिनेन्द्र जी, यदी न्यायपरिषदको सिफारिस नै मान्य हुनु पर्छ भने संसदीय छानविन समितिको आबस्यकता किन ? के छानविन समिति नौटंकी नाच देखाउन हो ?

  •  0 Reply

  • लोक विनयी

    Aug. 4, 2018, 6:21 p.m.

    मिनेन्द्र जी, यदी न्यायपरिषदको सिफारिस नै मान्य हुनु पर्छ भने संसदीय छानविन समितिको आबस्यकता किन ? के छानविन समिति नौटंकी नाच देखाउन हो ?

  •  0 Reply

  • Dwarika N. Dhital

    Aug. 4, 2018, 6:07 a.m.

    सम्वैधानिक परिषदले जेष्ठताका अाधारमा वरिष्ठ न्यायाधिशलाई सिफारिस गर्ने हाे जुन बेला मार्कसिटहरु नक्कली छन/ छैनन,उमेर ढाँटिएकाे छ / छैन हेरिदैन ।

  •  0 Reply

  • Bibek

    Aug. 4, 2018, 5:39 a.m.

    Nonsense! It was Kangress party government which nominated these incapable n corrupt judges during Narahari Acharya's miistry of law.

  •  0 Reply

तपाईको प्रतिक्रिया

समाचार

लोकप्रिय

१

इङ्ल्यान्डलाई ६ विकेटले हराउँदै ‘द हङकङ सिक्सेस’मा नेपालको विजयी शुरुवात

२

रूसले गुगललाई विश्वको जीडीपीभन्दा धेरै जरिवाना तोक्यो

३

थाई एयर एशियाले पर्सि आइतवारदेखि काठमाण्डौ र भैरहवाबाट उडान गर्ने

४

इङ्गल्याण्डलाई पराजित गरेको नेपाल एक खेलअघि नै हङकङ सिक्सेस प्रतियोगिताको दोस्रो चरण प्रवेश

विचार

उज्यालो टी भी

वैदेशिक रोजगारीमा जादा सुरक्षित हुने तरिका

मनोपरामर्शले बदलेको जीवन कथा

विदेशबाट श्रीमान् फर्काउने साहस बटुलेका वित्तीय कक्षा सहभागीका कथा

मेरो कथा मेरो भोगाई