आईपीएल २०२० : शारजाहमा रनकाे वर्षा, २ खेलमा ८०० भन्दा धेरै रन

असोज १२, २०७७ सोमबार १५:३९:५८ | उज्यालो सहकर्मी

काठमाण्डाै – संयुक्त अरब इमिरेट्स (यूएई) मा चलिरहेको इण्डियन प्रिमियर लिग (आईपीएल) मा शारजाह स्टेडियममा लगातार रन बनिरहेको छ ।

छोटो स्टेडियम र ब्याटिङको लागि सहज पिच भएका कारण छक्काको वर्षा भइरहेको छ । यो स्टेडियममा आइतबार भएको दोस्रो खेलमा कुल २९ छक्का प्रहार भयो । यतिमात्र होइन, दोस्रो पटक दुवै पारीमा दुई सयभन्दा धेरै रन बन्यो ।

यसअघि यही मैदानमा राजस्थानले दुई सय १६ रन बनाउँदा चेन्नईले दुई सय रन बनाएको थियो, त्यही आइतबारको नवौँ खेलमा पञ्जाबले दुई सय २३ रन बनाउँदा राजस्थानले दुई सय २६ रन बनायो । अर्थात् मात्र दुई खेलमा शारजाहमा अहिलेसम्म आठ सयभन्दा धेरै रन बन्यो ।

तथ्याङ्कका अनुसार शारजाहमा अहिलेसम्म खेलिएको दुई खेलमा कुल ६२ छक्का प्रहार भएको छ । जबकि बाँकी दुई स्टेडियम आबुधाबी र दुबईमा खेलिएको सात खेलमा ६५ छक्का प्रहार भएको छ । यसलाई जोड्दा प्रतियोगितामा अहिलेसम्म एक सय २७ छक्का प्रहार भएको छ ।

गज्जबको कुरा त के छ भने राजस्थान टिमले दुवै खेल यही मैदानमा खेलेको छ । उसले चेन्नईविरुद्ध पहिलो खेलमा १७ र पञ्जाबविरुद्ध दोस्रो खेलमा १८ छक्का प्रहार गरेको छ । राजस्थानले एक्लै यस मैदानमा ३५ छक्का प्रहार गरेको छ ।

दुवै खेलमा गरेर सन्जु समसनले १६ छक्का प्रहार गरेका छन्, जो यस प्रतियोगितामा सबैभन्दा धेरै छक्का प्रहार गर्ने खेलाडी बनेका छन् ।

अन्तिम अपडेट: कात्तिक ९, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्