हिमतालमा बेपत्ता विद्यार्थीको खोजी कार्य असफल, गोताखोर टोली फर्कियो

साउन २७, २०७५ आइतबार ९:५२:२२ | सुवास दर्नाल

साेलुखुम्बु – हिमतालमा ढुबेर बेपत्ता विद्यार्थीको खोजी कार्य असफल भएको छ । करिब एक साता देखि गोक्यो हितालमा डुबेर बेपत्ता विद्यार्थीको खोजी सम्भव नभएपछि शनिबार गोताखोर टोली फर्किएको हो ।

हिमतालमा पानीको सतह धमिलो हुनका साथै मौसम प्रतिकुलताका कारण उद्धार गर्न कठिनाइ भएका कारण टोलि फर्किएको जिल्ला प्रशासन कार्यलय सोलुखुम्बुले जनाएको छ ।

पानी अत्याधिक चिसो भएकाले पनि खोजी कार्य थप प्रभावित भएको गोताखोर टोलीले जनाएको थियो ।

४ दिन देखि खोजिमा सकृय गोताखोरको टोलीले बुधबार एक विद्यार्थीको निकाले पनि बाँकी दुईजना विद्यार्थीको खोजी गर्न असफल भएको खुम्बु पासाङल्हामु गाउपालिकाले जनाएको छ । बेपत्ताको खोजी गर्ने क्रममा शुक्रबार एक जना गोताखोर घाइते भएका छन् ।

खोजी गर्ने क्रममा खुट्टा मर्किएर एक जना गोताखोर घाइते भएको प्रमुख जिल्ला अधिकारी नरेन्द्रकुमार राना मगरले जानकारी दिनुभयो । गएको साउन १९ गते शनिबार शैक्षिक भ्रमणमा गएका खुम्जुङ माध्यमिक विद्यालय खुम्बु पासाङल्हामु–४ का ३३ जना विद्यार्थी मध्ये ३ जना विद्यार्थी पौडी खेल्ने क्रममा हिमतालमा डुबेर बेपत्ता भएका थिए ।

याे पनि पढ्नुहाेस् ।

गोक्यो हिमतालमा डुबेर ३ विद‍्यार्थी बेपत्ता

बेपत्ता विद्यार्थीको खोजीमा सेना परिचालन

हिमतालमा बेपत्ता विद्यार्थीको खोजीमा गोताखोरसहितको टोली, अझै उद्धार हुन सकेन

गोक्यो हिमतालमा बेपत्ता तीनमध्ये एक विद्यार्थीको शव निकालियो

अन्तिम अपडेट: कात्तिक १४, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

सुवास दर्नाल

उज्यालोका सोलुखुम्बु सहकर्मी सुवास दर्नाल हिमाल एफएममा पनि कार्यरत हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्