आईपीएल : टस जितेकाे दिल्ली हैदराबादविरुद्ध ब्याटिङ गर्दै

कात्तिक २३, २०७७ आइतबार १९:४५:७ | उज्यालो सहकर्मी

काठमाण्डाै – इण्डियन प्रिमियर लिग (आईपीएल) क्रिकेटमा अहिले दिल्ली क्यापिटल्स र सनराइजर्स हैदराबाद खेलिरहेका छन् । फाइनलमा मुम्बई इण्डियन्ससँगको भेट पक्का गर्न आबुधाबीको शेख जयेद स्टेडियममा टस जितेको दिल्लीले पहिले ब्याटिङ गरिरहेको छ ।

हैदराबादले चार पटक फाइनल खेलोकोमा सन् २०१६ मा च्याम्पियन बनेको थियो । हैदराबाद दिल्लीलाई हराउँदै दोस्रो पटक च्याम्पियन बन्ने सम्भावना कायम राख्न चाहन्छ ।

दिल्लीमा नेपालका लेग स्पिनर सन्दीप लामिछाने आबद्ध भए पनि उनले अहिलेसम्म माैका पाएका छैनन् ।

यता दिल्ली भने पहिलो पटक फाइनलमा पुग्ने प्रयासमा हुनेछ । सुरुवाती नौ खेलमा सात खेल जितेको दिल्लीको पछिल्ला केही खेलमा लय बिग्रिँदा झट्का लागेको छ । आईपीएलको १३ औँ संस्करणमा दिल्ली यो खेलमा हैदराबादलाई हराउँदै पहिलो पटक फाइनलमा पुग्न चाहन्छ ।

यो खेलको विजेताले नोभेम्बर १० मा मुम्बईसँग फाइनलमा प्रतिस्पर्धा गर्नेछ । याे खेलमा हैदराबादका लागि ऋद्धिमान शाह उपलब्ध नहुँदा दिल्लीले पृथ्वी शालाई बाहिर राखेकाे छ ।

यस्तो छ दिल्लीको प्लेइङ ११ : शिखर धवन, अजिन्क्या रहाणे, श्रेयस अय्यर, रिषभ पन्त, शिमरोन हेटमायर, मार्कस स्टोइनिस, अक्षर पटेल, रविचन्द्रन अश्विन, प्रवीन दुबे, कागिसो रबाडा र एनरिच नोर्त्जे ।

यस्तो छ हैदराबादको प्लेइङ ११ : डेभिड वार्नर, श्रीवात्स गोस्वामी, मनिष पाण्डे, केन विलियमसन, प्रियम गर्ग, जेसन होल्डर, अब्दुल समाद, राशिद खान, शहबाज नदीम, सन्दीप शर्मा र टी नटराजन ।

अन्तिम अपडेट: कात्तिक १७, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्