इङ्ग्ल्यान्डले जित्याे दक्षिण अफ्रिकासँगको ट्वान्टी ट्वान्टी क्रिकेट सिरिज

मंसिर १५, २०७७ सोमबार ५:५२:४८ | उज्यालो सहकर्मी

काठमाण्डाै - घरेलु टिम दक्षिण अफ्रिकासँगको ट्वान्टी ट्वान्टी क्रिकेट सिरिज इङ्ग्ल्यान्डले जितेको छ ।

पार्लमा भएको दोस्रो खेलमा दक्षिण अफ्रिकालाई ४ विकेटले पराजित गर्दै इङ्ग्ल्यान्डले एक खेल अगाडि नै सिरिज जितेको हो ।

दक्षिण अफ्रिकाले दिएको १ सय ४७ रनको लक्ष्य इङ्ग्ल्यान्डले १९ ओभर ५ बलमा ६ विकेट गुमाएर पूरा गर्यो । इङ्ग्ल्यान्डको जितमा डाविड मालनले ५५ रनको अर्धशतकीय पारी खेले ।

यस्तै कप्तान इयान मोर्गनले अविजित रहँदै २६ रन जोड्दा जोश बट्लरले २२ रन बनाए । बेन स्टोक्सले १६ र जासन रोयले १४ रन जोडे । दक्षिण अफ्रिकाका ताब्रेज शामीले ३ तथा लुंगी एनजिडीले २ विकेट लिए ।

यसअघि पहिले ब्याटिङ गरेको दक्षिण अफ्रिकाले २० ओभरमा ६ विकेट गुमाएर १ सय ४६ रन बनाएको थियो । जितसँगै इङ्ग्ल्यान्डले ३ खेलको सिरिजमा २–० को अग्रता समेत बनाएको छ । शुक्रबार राति भएको खेलमा इङ्ग्ल्यान्डले दक्षिण अफ्रिकालाई ५ विकेटले हराएको थियो ।

दुई टिमबीचको तेस्रो तथा अन्तिम खेल भोलि हुनेछ ।

अन्तिम अपडेट: कात्तिक २०, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्