पाकिस्तानसँगको टी–२० शृङ्खला न्युजिल्याण्डलाई, दोस्रो खेलमा ९ विकेटले विजयी

पुष ५, २०७७ आइतबार १९:४१:३ | उज्यालो सहकर्मी

काठमाण्डौ – पाकिस्तानसँगको टी २० शृङ्खला न्युजिल्याण्डले एक खेलअघि नै जितेको छ । तीन खेलको शृङ्खलाअन्तर्गत आइतबार भएको दोस्रो खेलमा न्युजिल्याण्डले पाकिस्तानलाई नौ विकेटले हराएको हो ।

ह्यामिल्टनमा टस जितेर पहिले ब्याटिङ गरेको पाकिस्तानले निर्धारित ओभरमा ६ विकेट गुमाएर एक सय ६३ रन बनाएको थियो । उसका लागि मोहम्मद हफीजले अविजित ९९ रन बनाए पनि जितका लागि पर्याप्त भएन । बलिङतर्फ न्युजिल्याण्डका टिम साउथीले चार विकेट लिए ।

एक सय ६४ रनको लक्ष्य पछ्याएको न्युजिल्याण्डले १९ ओभर २ बलमा एक विकेटको क्षतिमा लक्ष्य पूरा गरेको हो । न्युजिल्याण्डको जितमा कप्तान केन विलियमसन र टिम सेइफर्टले एक सय २९ रनको साझेदारी गरेका थिए । टिम सेइफर्ट ८४ र केन विलियम्सन ५७ रनमा अविजित रहे । ओपनर मार्टिन गुप्तिल २१ रनमा आउट भए ।

पाकिस्तानका फहीम अशरफले एक विकेट लिए । पहिलो खेलमा न्युजिल्याण्ड पाँच विकेटले विजयी भएको थियो । तेस्रो तथा अन्तिम खेल आउँदो मङ्गलबार हुनेछ ।

अन्तिम अपडेट: कात्तिक १६, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्