१३ औँ सागमा दाेहाेराे स्वर्ण पदक दिलाएका ३ सहित ७ खेलाडीलाई राष्ट्रिय प्रतिभा पुरस्कार

पुष ७, २०७७ मंगलबार १९:५८:१२ | उज्यालो सहकर्मी

काठमाण्डाै – गएकाे वर्ष नेपालमा सम्पन्न भएको १३ औँ दक्षिण एसियाली खेलकुद (साग) मा नेपाललाई दोहोरो स्वर्ण पदक दिलाएका तीन खेलाडीसहित सात खेलाडीलाई मङ्गलबार राष्ट्रिय प्रतिभा पुरस्कार प्रदान गरिएको छ ।

युवा तथा खेलकुद मन्त्रालयको वार्षिक कार्यक्रमअनुसार आवेदन आएका मध्येबाट यो वर्ष सात खेलाडीलाई जनही ५० हजार रुपैयाँ नगदसहित सम्मानित गरिएको हो । राष्ट्रिय प्रतिभा पुरस्कारबाट सम्मानित हुनेमा तेक्वान्दोकी आयशा शाक्य, करातेका मण्डेकाजी श्रेष्ठ, भारोत्तोलनका विकास थापा, गल्फका सुवास तामाङसहित साइक्लिङकी लक्ष्मी मगर, एथलेटिक्सकी सन्तोषी श्रेष्ठ र शारीरिक सुगठनका समीर श्रेष्ठ रहेका छन् । लक्ष्मी, विकास र सन्तोषीले पनि १३ औँ सागमा स्वर्ण पदक जितेका थिए ।

त्यस्तै दुई खेल प्रशिक्षक, दुई खेल प्रायोजक तथा खेल सङ्घ, निर्णायक र चिकित्सकबाट समान एक जनालाई पनि मन्त्रालयले सम्मानित गरेको छ । सम्मानित हुने प्रशिक्षकमा तेक्वान्दोका मुख्य प्रशिक्षक नवीनकुमार श्रेष्ठ र कराँतेका कुशल श्रेष्ठ परेका छन् । यस्तै जुडोका धर्मकुमार श्रेष्ठ पनि सम्मानको सूचीमा अटाएका छन् ।

अन्तिम अपडेट: कात्तिक ९, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्