बिग बाश लिगमा सन्दिपको उत्कृष्ट सुरुवात, पहिलो खेलमै २ विकेट लिन सफल

पुष १८, २०७७ शनिबार १६:७:५१ | उज्यालो सहकर्मी

काठमाण्डाै - अष्ट्रेलियामा चलिरहेको बिग बाश क्रिकेट लिगको यो सिजनमा नेपालका बलर सन्दिप लामिछानेले आफ्नो पहिलो खेलमै २ विकेट लिएका छन् ।

होवर्ट ह्युरिकेन्सको तर्फबाट खेलेका सन्दिपले पहिलो खेलमा ४ ओभर बलिङ गर्दै ३८ रन दिएर २ विकेट लिएका हुन् । कोरोना भाइरस सङ्क्रमण र अष्ट्रेलिया पुगेपछि पनि १४ दिन क्वरेण्टीनमा बस्नुपरेका कारण सन्दिपले आफ्नो टीमको तर्फबाट छैठौँ खेलपछि मात्रै खेल्ने मौका पाएका हुन् ।

आज भएको खेलमा सन्दिप आवद्ध होवर्ट ह्युरिकेन्सले मेलवर्न स्टार्सलाई २१ रनले हरायो । होवर्टले दिएको १ सय ६५ रनको लक्ष्य पछ्याएको मेलबर्नले २० ओभरमा ९ विकेट गुमाएर १ सय ४३ रन मात्रै बनाउन सक्यो । मेलबर्नका लागि ग्लेन म्याक्सवेलले ७० रन बनाएपनि टिमलाई जिताउन सकेनन् । आजको जीतसँगै होवर्ट ह्युरिकेन्स १८ अंकका साथ दोस्रो स्थानमा उक्लिएको छ ।

अन्तिम अपडेट: कात्तिक १८, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्