झन्डै वर्ष दिन क्रिजबाहिर रहेका खेलाडी फिटनेसमा ध्यान दिँदै

पुष २२, २०७७ बुधबार २०:५:४२ | उज्यालो सहकर्मी

काठमाण्डाै – झन्डै वर्ष दिन क्रिजबाहिर रहेका क्रिकेट खेलाडी अहिले ओमान, अमेरिका र नेपालबीच हुने त्रिकोणात्मक शृङ्खलाको तयारीमा लागिरहेका छन् । लकडाउनका कारण घरेलु अभ्यासमा सिमित बनेका राष्ट्रिय क्रिकेट खेलाडी अहिले फिटनेस ट्रेनर र फिजियोको प्रत्यक्ष निगरानीमा फिटनेस लेभल विकासका लागि अभ्यासमा जुटिरहेका छन् ।

नेपाल क्रिकेट सङ्घ (क्यान) ले नेपाली राष्ट्रिय क्रिकेट टोलीलाई मङ्सिर दोस्रो हप्तादेखि बन्द प्रशिक्षणमा राखेर चरणबद्ध तरिकाले अभ्यास गराइरहेको छ ।

कोरोना भाइरसको महामारीका कारण गएकाे चैतदेखि क्रिकेट खेलाडीको प्रशिक्षण रोकिएको थियो । त्यही कारण केही खेलाडीमा फिटनेसको समस्या देखिएको थियो भने चितवनमा भएको च्यारिटी खेलबाट खेलाडीको फिटनेस लेभल प्रस्ट पनि भएको थियो । त्यही अवस्थालाई नियाल्दै नेपाली क्रिकेट टोलीका फिजियोले खेलाडीको फिटनेस लेभल विकासका लागि अहिले मेहनेत गरिरहेका छन् ।

राष्ट्रिय क्रिकेट टाेलीका फिजिओ विक्रम न्यौपानेलाई साथ दिन ट्रेनर अहिले नेपाली खेलाडीको साथमा छन् । त्यसो त केही खेलाडीले व्यक्तिगत रूपमा त्रिवि क्रिकेट मैदान कीर्तिपुरमा अभ्यास गरिरहेका छन् । लामो समयदेखि मैदान ओर्लिन नपाएका खेलाडीकाे वृद्धि विकासका लागि विभिन्न चरणका अभ्यास गराइरहेको राष्ट्रिय क्रिकेट टोलीका फिटनेस ट्रेनर आशय हट्करले जानकारी दिए ।

प्रशिक्षणमा स्वास्थ्य मापदण्ड पूर्णरूपमा पालना हुने पनि क्यानले यसअघि जारी गरेको सूचनामा उल्लेख गरेको थियो । निरन्तर राष्ट्रिय टोलीको फिटनेस लेभल हेरिरहेका फिजियो विक्रम न्यौपानले केही दिनयताको फिटनेसले खेलाडीमा सुधार आएको बताए ।

यस्तै राष्ट्रिय टोलीका उपकप्तान दिपेन्द्र सिंह ऐरीले चाेट बिस्तारै निकै हुँदै आएको बताए । ऐरीले ओमानसँगको शृङ्खलालाई लक्षित गरेर टोलीले अभ्यास गरिरहेको जानकारी दिए । उनलाई साथ दिँदै युवा ब्याट्सम्यान रोहित पौडेलले अभ्यासमा फर्किँदा खुसी लागेको प्रतिक्रिया दिए ।

सन् २०१४ मा बङ्गालदेशमा भएको टी–२० विश्वकप खेल्दै अन्तर्राष्ट्रियस्तरमा उदीयमान देशको परिचय बनाएको नेपालले एकदिवसीय मान्यता पनि पाइसकेको छ । अहिलेको अवस्थामा तयारीलाई तीव्रता दिएको नेपालले ओमन, अमेरिका र नेपालसँगको त्रिकाेणात्मक शृङ्खला सुखद बनाउन जुटिरहेको हो ।

अन्तिम अपडेट: कात्तिक १७, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्