पुलिसलाई ३० रनले हराउँदै एपीएफ प्रधानमन्त्री कपकाे फाइनलमा

माघ १४, २०७७ बुधबार १७:५४:३ | उज्यालो सहकर्मी

काठमाण्डाै – एपीएफ क्लब प्रधानमन्त्री कप पुरुष क्रिकेट प्रतियोगिताको फाइनलमा पुगेको छ । बुधबार भएको पहिलो सेमिफाइनलमा नेपाल पुलिस क्लबलाई ३० रनले हराउँदै एपीएफ फाइनलमा पुगेको हो ।

एपीएफले दिएकाे दुई सय चार रनकाे लक्ष्य पछ्याउने क्रममा पुलिसले ४९ ओभर २ बलमा अलआउट हुँदै मात्र एक सय ७३ रन बनाउन सक्याे । पुलिसका लागि पवन सर्राफले ४०, राशिद खानले ३४, दीपेन्द्र सिंह ऐरीले ३३, अनिल शाहले २१, आरिफ शेखले १६ र सागर ढकालले ११ रन बनाए । एपीएफका भुवन कार्कीले चार विकेट लिए भने कमल ऐरी, अभिनाश बोहरा र शरद भेषवाकरले समान दुई–दुई विकेट लिए ।

यसअघि टस हारेर पहिले ब्याटिङ गरेकाे एपीएफले निर्धारित ओभरमा नाै विकेट गुमाउँदै दुई सय तीन रन बनाएकाे थियाे । एपीएफका लागि शङ्कर रानाले सर्वाधिक ४४ रन बनाए । यस्तै भुवन कार्कीले ४२, सन्दीप जोराले ३४, सुवास खकुरेल र कमल ऐरीले समान १९–१९ रन बनाए । कप्तान शरद भेषवाकरले १८ रन जोडे । अविनाश बोहरा ११ रनमा अविजित रहँदा सूर्य तामाङ एक रनमा अविजित रहे । पुलिसका आरिफ शेखले तीन विकेट लिए भने ललित राजवंशी र दीपेन्द्र सिंह ऐरीले समान २–२ विकेट लिए ।

एपीएफले अब फाइनलमा वाग्मती प्रदेश र त्रिभुवन आर्मी क्लबको विजेतासँग खेल्नेछ । वाग्मती र आर्मीबीचको सेमिफाइनल खेल बिहीबार (भोलि) हुनेछ ।

अन्तिम अपडेट: कात्तिक १३, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्