महिला लिगमा कुसुमकाे पनि ह्याट्रिक

माघ १४, २०७७ बुधबार १८:३९:३४ | उज्यालो सहकर्मी

काठमाण्डाै – कुसुम खतिवडाकाे ह्याट्रिकको मदतमा विराटनर महानगरपालिका मोरङले काठमाण्डाैमा चलिरहेकाे राष्ट्रिय महिला लिगमा सुखद नतिजा निकालेको छ ।

ललितपुरमा रहेकाे अखिल नेपाल फुटबल सङ्घ (एन्फा) मुख्यालयमा बुधबार सम्पन्न खेलमा विराटनरले चन्द्रपुरमाथि पाँच–शून्यको फराकिलो जित निकाल्दा टिमले प्रतियोगितामा पहिलो जित निकालेको हो । विराटनगरका लागि कुसुमले ह्याट्रिक गर्दा अनु राई र सरिता शेर्पाले एक/एक गोल गरे ।

कुसुमकाे ह्याट्रिकसँगै याे प्रतियोगितामा पाँचाैँ ह्याट्रिक भएको छ । एपीएफकी सावित्रा भण्डारीले दुई ह्याट्रिक गर्दा आर्मीकी विमला चौधरी र चन्द्रपुरकी सविता राना मगरले एक/एक ह्याट्रिक गरेका छन् ।
पहिलो हाफमा दुई गोल गरेको विराटनगरले दोस्रो हाफमा तीन गोल गरेको थियो ।

यसअघि दुई खेलबाट विराटनगरले एक खेलमा बराबरी र एक खेल गुमाउन पुगेको थियो । पहिलो खेलमा विराटनगर वालिङसँग एक–एक को बराबरी र एपीएफसँग सात–शून्यले पराजित भएको थियो । तेस्रो खेलमा सुखद नतिजा निकालेको विराटनगरको अङ्क तालिकामा चार अङ्क भएको छ ।

उदयपुरको चौदण्डीगढीलाई अघिल्लो खेलमा सात–एक गोल अन्तरले पराजित गरेको चन्द्रपुर एपीएफसँग ६–० ले पराजित भएको थियो । बुधबारको पराजयसँगै चन्द्रपुरको तीन खेलबाट ३ अङ्क नै छ ।

अन्तिम अपडेट: कात्तिक १८, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्