गण्डकी प्रदेशस्तरीय मुख्यमन्त्री कपको पुरुषतर्फको उपाधि तनहुँ र महिलातर्फको म्याग्दीलाई

फागुन ८, २०७७ शनिबार १८:११:३२ | उज्यालो सहकर्मी

काठमाण्डाै – मुख्यमन्त्री कप गण्डकी प्रदेशस्तरीय भलिबल प्रतियोगिताको पुरुष तर्फको उपाधि तनहुँले जितेको छ ।

पोखरा रंगशालामा भएको फाइनलमा तनहुँले स्याङजालाई ३–२ को सेटमा हराएको हो । तनहुँले पहिलो सेट २५–२३ ले गुमायो । तर दोस्रो सेट २५–१७ र तेस्रो सेट २५–२० ले आफ्नो पक्षमा पारेको थियो । त्यस्तै चौथो सेट स्याङजाले २५–१३ ले जितेपछि खेल पाँचौं सेटसम्म पुगेको थियो ।

पाँचौं सेटमा १५–१० ले आफ्नो पक्षमा पार्दै तनहुँ च्याम्पियन बनेको हो । विजेता तनहुँले २ लाख तथा उपविजेता स्याङजाले १ लाख रुपैयाँ प्राप्त गरेको छ । फागुन ४ गतेदेखि सुरु भएको प्रतियोगितामा गण्डकी प्रदेशका १० जिल्लाको सहभागिता थियो ।

यस्तै गण्डकी प्रदेशस्तरीय मुख्यमन्त्री कपको महिलातर्फको उपाधि म्याग्दीले जितेको छ । पोखरा रंगशालामा आज भएको फाइनलमा पर्वतलाई ३–० को सोझो सेटमा हराएर म्याग्दी च्याम्पियन बनेको हो । म्याग्दीले पहिलो सेट २५–१४, दोस्रो सेट २५–१५ र तेस्रो सेट २५–१७ ले जित्यो ।

उपाधि विजेता म्याग्दीले २ लाख रुपैयाँ र उपविजेता पर्वतले १ लाख रुपैयाँ प्राप्त गरेको छ । तनहुँले तेस्रो हुँदै ५० हजार रुपैयाँ प्राप्त गरेको छ । फागुन चार गतेदेखि सुरु भएको प्रतियोगितामा गण्डकी प्रदेशका ९ जिल्लाको सहभागिता थियो ।

अन्तिम अपडेट: कात्तिक १८, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्