श्रीलङ्कासँगको टी-ट्वान्टी श्रृङ्खला वेस्ट इन्डिजले जित्यो

फागुन २४, २०७७ सोमबार ८:५९:१२ | उज्यालो सहकर्मी

काठमाण्डौ - श्रीलङ्कासँगको तीन खेलको टी-ट्वान्टी श्रृङ्खला घरेलु टिम वेस्ट इन्डिजले जितेको छ ।

आज भएको तेस्रो तथा अन्तिम खेलमा श्रीलङ्कालाई ३ विकेटले हराएर वेस्ट इन्डिजले श्रृङ्खला २–१ ले जितेको हो । श्रीलङ्काले दिएको १ सय ३२ रनको लक्ष्य वेस्ट इन्डिजले १९ ओभरमा ७ विकेट गुमाएर पूरा गर्यो ।

वेस्ट इन्डिजका लेन्डल सिमोन्सले सर्वाधिक २६ रन जोडे । यस्तै निकोलस पुरणले २३, इभिन लेबिसले २१ तथा फाबियन एलनले अविजित २१ रन बनाए । श्रीलङ्काका लक्शान शन्दकानले ३ विकेट लिए । यसअघि पहिले ब्याटिङ गरेको श्रीलङ्काले २० ओभरमा ४ विकेट गुमाएर १ सय ३१ रन बनाएको थियो ।

श्रीलङ्काका लागि दिनेश चण्डीमालले अविजित रहदै ५४ रनको अर्धशतकीय पारी खेले पनि टोलीलाई जिताउन सकेनन् । वेस्ट इन्डिजका फाबियन एलन, केभिन, ओबेड म्याकक्वे र जासन होल्डरले एक/एक विकेट लिए ।

पहिलो खेल वेस्ट इन्डिजले ४ विकेटले जितेको थियो भने दोस्रो खेलमा श्रीलङ्काले ४३ रनले जितेको थियो ।

अन्तिम अपडेट: कात्तिक १५, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्