किरण चेम्जाेङलाई धनगढीले आइकाेनिक खेलाडीका रूपमा अनुबन्ध गर्‍याे

वैशाख २, २०७८ बिहीबार १९:८:११ | उज्यालो सहकर्मी

काठमाण्डाै – किरण चेम्जोङलाई नेपाल सुपर लिग (एनएसएल) को टोली धनगढी फुटबल क्लबले आइकोनिक खेलाडीको रूपमा अनुबन्ध गरेको छ ।

काठमाण्डाैमा बिहीवार धनगढी फुटबल क्लबले एक कार्यक्रमको आयोजना गरेर राष्ट्रिय टोलीका कप्तान किरणलाई आइकोनिक खेलाडीकाे रूपमा नियुक्त गरेको हो । नेपालमा पहिलो पटक आयोजना हुन लागेको फ्रेन्चाइज फुटबल लिग वैशाख ११ गतेदेखि दशरथ रङ्गशालामा हुँदैछ । एनएसएलका लागि धनगढीले हाइ प्रोफाइल फुटबलर किरणलाई आइकोनिक प्लेयरको रूपमा अनुबन्ध गरेको हो ।

राष्ट्रिय टोलीका मिडफिल्डर विशाल राईलाई धनगढीले मार्की प्लेयरको रूपमा नियुक्त गरिसकेको छ । अक्शनबाट १४ जना खेलाडी धनगढीकाे टोलीमा अनुबन्ध भइसकेका छन् । धनगढीमा अनुबन्ध भएका किरण झन्डै पाँच वर्षपछि नेपाली फुटबल क्लबमा फर्किएका हुन् । नेपाली फुटबल क्लबमा फर्किएपछि एनएसएलको लागि आफू उत्साहित रहेको चेम्जाेङले बताए ।

धनगढीले अक्शनबाट सौजन राई, रूपेश केसी, विजय श्रेष्ठ, योगेश गुरुङ, युद्ध शाही, निराजन महर्जन, विवेक बस्नेत, निशान खड्का, टंक बस्नेत, अशोक खवास, दिनेश राजवंशी, टेकेन्द्र थापा, पुजन उपरकोटी र दर्शन गुरुङलाई टोलीमा समावेश गरिसकेको छ ।

धनगढीले किरणका साथै अन्य विदेशी खेलाडी पनि अनुबन्ध गरेको छ । विदेशी खेलाडीसहितको टोलीसँग नेपाली खेलाडीले खेल्दा नेपाली खेलाडीको स्तर उकासिने विश्वास राखिएको छ ।

यस्तै धनगढी फुटबल क्लबले मुख्य प्रशिक्षकको जिम्मेवारी राष्ट्रिय टोलीका पूर्वखेलाडी युगल किशोर राईलाई दिएको छ । नियुक्त भएका राईले धनगढीलाई राम्रो स्थानमा पुर्‍याउन मेहनत गर्ने प्रतिक्रिया दिए ।

यसअघि मनाङ मर्स्याङ्दी क्लबलाई शहीद स्मारक ‘ए’ डिभिजन लिग च्याम्पियन बनाइसकेका तोपे फुजालाई क्लबले प्रशिक्षकको रूपमा अनुबन्ध गरेको थियो । यस्तै टोलीका लगानीकर्ता सुवास शाहीले किरण जस्ता खेलाडीलाई अनुबन्ध गर्दै पहिलो फ्रेन्चाइज लिगमा सहभागिता हुन पाउँदा खुसी भएको प्रतिक्रिया दिए ।

अन्तिम अपडेट: कात्तिक १२, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्