काडिजलाई हराउँदै रियल मड्रिड शीर्षस्थानमा

वैशाख ९, २०७८ बिहीबार ७:८:५४ | उज्यालो सहकर्मी

काठमाण्डौ – रियल मड्रिड स्पेनिस ला लिगाको शीर्षस्थानमा उक्लिएको छ । काडिजलाई तीन–शून्य गोलले हराउँदै रियल मड्रिड अङ्क तालिकाको शीर्षस्थानमा उक्लिएको हो ।

रियल मड्रिडको जितमा करिम बेन्जेमाले दुई र आल्भारो ओडरियोजोलले एक गोल गरे । रियल मड्रिडले १० मिनेटको अन्तरमा तीन गोल गरेपछि पहिलो हाफमा फराकिलो अग्रता बनायो ।

खेलको ३० औँ मिनेटमा पेनाल्टीमार्फत गोल गर्दै बेन्जेमाले मड्रिडलाई अग्रता दिलाए । ३३ औँ मिनेटमा ओडरियोजोलाले गोल गरेपछि मड्रिडको अग्रता दोब्बर बनेको थियो । खेलको ४० औँ मिनेटमा बेन्जेमाले व्यक्तिगत दोस्रो गोल गर्दै मड्रिडलाई तीन शून्यले अघि राखे ।

दोस्रो हाफमा कुनै टिमबाट गोल नभएपछि खेलमा तीन–शून्यमा सकियो । जितसँगै ३२ खेलमा ७० अङ्कसहित रियल मड्रिड शीर्षस्थानमा उक्लिएको छ । काडिजभने ३२ खेलमा ३६ अङ्कसहित १३ औँ स्थानमा छ ।

ला लिगाकै अरु खेलमा एल्चे र भालाडोलिडले एक–एक गोलको बराबरी खेल्दा आलाभेसले भिल्लारियललाई दुई–एकले हराएको छ ।

अन्तिम अपडेट: कात्तिक १९, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्