भारतकाे 'पीएम केयर्स फन्ड' मा ५० हजार डलर दिने अस्ट्रेलियाली क्रिकेटर कमिन्सकाे घाेषणा

वैशाख १३, २०७८ सोमबार १८:२८:५४ | उज्यालो सहकर्मी

काठमाण्डाै – अस्ट्रेलियाली क्रिकेटर प्याट कमिन्सले भारतमा कोरोना भाइरस सङ्क्रमणको स्थितिलाई मध्यनजर गर्दै पीएम केयर्स फन्डमा ५० हजार अमेरिकी डलर दिने घोषणा गरेका छन् ।

प्याट कमिन्स अहिले भारतमा छन् र इण्डियन प्रिमियर लिग (आईपीएल) खेलिरहेका छन् । आईपीएलमा उनी कोलकाता नाइट राइडर्सको तर्फबाट खेल्छन् । प्याट कमिन्सले एब विज्ञप्ति ट्वीट गर्दै यसबारेमा जानकारी दिएका हुन् ।

विशेषगरी अक्सिजन सिलेण्डर खरिद गर्नका लागि यो रकम सहयोग गरेको प्याट कमिन्सले बताएका छन् । भारतमा ठूलो सङ्ख्यामा मानिस प्रभावित भएको देखेर आफूलाई दुःख लागेको उनले लेखेका छन् । साथै कमिन्सले आईपीएलका आफ्ना साथी खेलाडीलाई रकम सहयोग गर्न अपिल पनि गरेका छन् ।

— Pat Cummins (@patcummins30) April 26, 2021

प्याट कमिन्सको यो घोषणालाई मानिसहरुले स्वागत गरेका छन् तर केही मानिसले भारतीय खेलाडी कहाँ छन् भनेर सोधेका छन् ।

यद्यपि सचिन तेन्दुलकरसहित कैयौँ चर्चित हस्तीहरूले गएको वर्ष पीएम केयर्स फन्डमा आफ्नो तर्फबाट सहयोग गरेका थिए ।

अन्तिम अपडेट: कात्तिक १९, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्