रियल मड्रिडले शीर्ष स्थानमा उक्लने मौका गुमायो, सेभिल्लासँगको खेल बराबरी

वैशाख २७, २०७८ सोमबार ७:२६:३१ | उज्यालो सहकर्मी

काठमाण्डाै – स्पेनिस ला लिगा फुटबलमा रियल मड्रिड र सेभिल्लाले बराबरी खेलेका छन् । गएराति भएको खेलमा रियल र सेभिल्लाले २–२ गोल गरे । उपाधि भिडन्तमा निकै महत्व बोकेको खेलमा इन्जुरी समयमा गोल गर्दा खेल २–२ को बराबरीमा सकिएको हो ।

रियलका लागि मार्को एसेन्सिओले र इडन हजार्डले एक एक गोल गरे भने सेभिल्लाका लागि रिगेसले र रेकिटिकले एक एक गोल गरे । सेभिल्लाका लागि खेलको २२ औँ मिनेटमा रिगेसले गोल गरे भने ७८ औँ मिनेटमा पाएको पेनाल्टीमा रेकिटिकले गोल गरि पुनः सेभिल्लालाई अग्रता दिलाएका थिए ।

रियलका मार्को एसेन्सिओले ६७ औँ मिनेटमा गोल गरे । यस्तै, खेलको इन्जुरी समयको ९४ औँ मिनेटमा इडन हजार्डले गोल गरि रियल मड्रिडलाई हारबाट जोगाएका थिए । बराबरीसँगै रियलले शीर्ष स्थानमा उक्लिने मौका गुमाएको छ ।

दोस्रो स्थानको रियल शीर्ष स्थानको एथलेटिको मडिड्र भन्दा दुई अंकले पछि छ । रियलको ७५ अंक छ भने एथ्लेटिको ७७ अंक छ । यस्तै, गएराति नै भएका अरु खेलमा एइबरले गेटाफलेलाई १-० गोल अन्तरले पराजित गरेको छ । भ्यालेन्सियाले रियल भालाडोलिडलाई ३-० तथा सेल्टा डि भिगोले भिल्लारियललाई ४-२ गोल अन्तरले पराजित गरेका छन् ।

अन्तिम अपडेट: कात्तिक २०, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्